რუსი ანალიტიკოსის რეცეპტი: როგორ უნდა გამოიყენოს რუბინმა ქართველების პოტენციალი...

რუსეთის პრემიერლიგაში პირველი წრე დასრულდა. ყაზანის "რუბინი" 17 ქულით მე-12 ადგილზეა და ძალიან დაბალშედეგიანობით გამოირჩევა - რომან შარონოვი გაწვრთნილებმა 15 ტურში მხოლოდ 8 გოლის გატანა მოახერხეს და ამ 8-დან სამი ქართველების ანგარიშზეა - თითო გაიტანეს ზურიკო დავითაშილმა, ხვიჩა კვარაცხელიამ და ბექა მიქელთაძემ.

"დაბალშედეგიანობის მიზეზი ქართველი ფეხბურთელების არასწორი გამოყენებაა" - ასეთ დასკვნას აკეთებს ანალიტიკოსი არტურ ხალილულოვი. წერილს საინტერესო სათაური აქვს - "შპარგალკა რომან შარონოვისთვის - როგორ უნდა მოიშოროს "რუბინმა" ლიგის ყველაზე უკბილო გუნდის იარლიყი"?

"კიდევ ერთი პრობლემა ისაა, რომ კვარაცხელია და დავითაშვილი, რომელთა შორისაც კარგი ურთიერთგაგებაა, მოედანზე ერთდროულადაც თუ შედიან, ერთმანეთისგან შორს არიან და კავშირი არ აქვთ - როგორც წესი, ქართველები საწინააღმდეგო ფლანგებზე თამაშობენ.

საინტერესო იქნება 4-4-2 სათამაშო სქემა და თავდასხმაში მარკოვის (ან კიარტასონის) და დავითაშვილის შეწყვილება, თუ მარჯვენა ფლანგზე კვარაცხელია იმოქმედებს. ორი ფორვარდითა და ამ განლაგებით თამაში გუნდს შეტევს გაუადვილდებს. კვარაცხელია და დავითაშვილი უფრო ხშირად მოახერხებენ ერთმანეთთან კომბინირებას და შეტევებს საჭირო სიმწვავეს შემატებენ.

ამავდროულად, ფორვარდის პოზიციაზე ძირითადში მარკოვსა და კიარტანსონს კონკურენცია მიქელთაძემ შეიძლება გაუწიოს. ვინ იცის, როგორ ითამაშებს ქართული შემტევი ტრიო მიქელთაძე-დავითაშვილი-კვარაცხელია, თუ მარცხენა ფლანგიდან მოძავი ტაშაევის მხარდაჭერა ექნებათ", - წერს ხალილულოვი.

მან კლასიკურ 4-2-3-1 განლაგებაში ცენტრალური თავდამსხმელის როლში დავითაშვილის (ან მიქელთაძის) ვარიანტი განიხილა, ხოლო კვარაცხელია ისევ მარჯვენა ფლანზე გაამწესა: "საყრდენის პრობლემას ეს ვარიანტიც ვერ მოაგვარებს. მაგრამ იქნება ცენტრალურ ნახევარმცველთა ტრიო. აქ ისევ ჩნდება გამოკვეთილი ფორვარდის პრობლემა, რომელიც ნახევარდაცვის შესამჩნევ მხარდაჭერას დაეყრდნობა.

თუ დავითაშვილს წინ დატოვებთ (ისე, რომ მან მოედანზე კვარაცხელიასთან ურთიერთობა მოახერხ), მაშინ მარკოვი და კიარტანსონი სათამაშო დროის გარეშე დარჩებიან, რადგან არის კიდევ მიქელაძე".

ავტორი ქართველების წყვილში დაყენების აშკარა მომხრეა, რადგან კიდევ ერთი სქემა - 3-4-3 ისე განიხილა, ცენტრალური თავდამსხმელის როლში კვლავ დავითაშვილი (ან მიქელთაძე) მონიშნა, ხოლო მარჯვენა ფლანზე - ისევ კვარაცხელია:

"3-4-3 განლაგებაში ფლანგებმა უნდა გაარღვიონ მოწინააღმდეგის დაცვითი ხაზი სწრაფი კონტრშეტევის დროს, რომელშიც საკვანძო როლს სწრაფი და ტექნიკური დავითაშვილი, კვარაცხელია და ტაშევი შეასრულებენ. კონტრშეტევითი მენტალიტეტის მქონე "რუბინისთვის" ეს სქემა ოპტიმალურად გამოიყურება".

საერთო სურათიდან გამომდინარე, ჟურნალისტი რამდენიმეპუნქტიან დასკვნას აკეთებს, მესამე პუნქტად კი ქართველებზე წერს: "ყველა ეს დასკვნა მხოლოდ ქაღალდზეა კარგი. მხოლოდ "რუბინის" სამწვრთნელო შტაბს აქვს ყველა ინფორმაცია, რომლის მიხედვითაც იტყვიან, უფრო სასურველი რომელი მათგანია.

მაგრამ ერთი რამ აშკარაა - როცა ჩემპიონატის 30-ტურიდან 15-ში რაღაც არ მუშაობს (საუბარია შეტევაზე), მაშინ ცვლილებები აუცილებელია. მათი ძებნა სამწვრთნელო შტაბის ამოცანაა. მოულოდნელად და თავისთავად არაფერი შეიცვლება. არ არსებობს მოთამაშეთა განლაგების ისეთი სქემა და პირობები, რომელიც დავითაშვილისა და კვარაცხელიას პოტენციალის სრულად გამჟღავნების საშუალებას მისცემს".

1016
მკითხველის კომენტარები / 0 /
მსგავსი ამბები
რუბრიკის სხვა სიახლეები
;