რუუდ გულიტიმა კიბერსაფეხბურთო აკადემია Team Gullit შექმნა

ლეგენდარულმა ჰოლანდიელმა ფეხბურთელმა რუუდ გულიტმა ჟურნალისტებს აუხსნა - რატომ შექმნა საკუთარი კიბერსაფეხბურთო აკადემია, რომელსაც Team Gullit  ჰქვია.

55 წლის ჰოლანდიელმა აღიარა, რომ FIFA 17-ის მსოფლიოს ჩემპიონატში მონაწილეობამ და მისი შვილების მონათხრობმა მასზე უდიდესი შთაბეჭდილება მოახდინა.

"კიბერსპორტი - ეს რეალობაა, - ამბობს eSport-Porlal-თან კომენტარში გულიტი. - ყველა თამაშობს FIFA-ს და ეს სერიოზული სპორტია. გასულ წელს, 7 მილიონი მოთამაშე ცდილობდა კვალიფიკაციის გავლას, საუკეთესოებმა კი ლონდონში, მსოფლიოს ჩემპიონატზე მთელი უქმეები გაატარეს თავიანთ მწვრთნელებთან, მენეჯერებთან და მასაჟისტებთან ერთად და იბრძოდნენ 200 ათასი დოლარის ოდენობის საპრიზო ფონდისთვის.

ეს დაუჯერებელია. ყველა პროფესიონალი ფეხბურთელი თამაშობს FIFA-ს და მეც გავიფიქრე: რატომ არ უნდა შემექმნა კიბერსაფეხბურთო გუნდი? მით უმეტეს, რომ ბევრი მოთამაშე არსებობს. სირბილი არ გიწევთ, მაგრამ უქმეებზე ბევრ მატჩს თამაშობთ".

რუუდ გულიტმა საკუთარი კიბერსაფეხბურთო აკადემია იანვარში შექმნა და მას თეამ Gულლიტ დაარქვა. ამ მომენტისთვის, მის რიგებში სამი კიბერფეხბურთელია: ფლორის იორნა, იულიან ვან დენ ბერგი და დანი ვისერი.

ყოველდღიური სპორტული გაზეთი "ლელო"
791
მკითხველის კომენტარები / 0 /
მსგავსი ამბები
რუბრიკის სხვა სიახლეები
;