საამაყო VIDEO: ტურინული ყინული ცეცხლოვანმა აჭარულმა გაალღო

იტალიაში, ქალაქ ტურინში ტრიუმფით დაასრულეს გამოსვლა მოცეკვავე წყვილების იუნიორთა პროგრამაში მონაწილე გიორგი რევიამ და მარია კაზაკოვამ. მათ მოკლე პროგრამაც შესანიშნავად შეასრულეს, თავისუფალი პროგრამაც და გრანპრი პირველ ადგილზე დაასრულეს.

ქართულმა წყვილმა მოკლე პროგრამაში მსაჯებისგან 68.76 ქულა დაიმსახურა და 0.04-ით გადაასწრო მეორეადგილოსან ამერიკელებს. საერთოდ კი, საჩემპიონოდ ექვსი წყვილი იბრძოდა. ისინი წლის განმავლობაში ნაჩვენები შედეგების მიხედვით შეირჩა.

თავისუფალი პროგრამა 7 დეკემბერს და ქართველებმა იქაც იყოჩეღეს: საბოლოოდ, ორჭიდის ჯამში 174.90 ქულა მოაგროვეს და წლის ყველაზე პრესტიჟული გრანპრი მოიგეს. მეორე იყო ამერიკული წყვილი, მესამე - რუსული.

შეჯიბრების დასკვნით დღეს წყვილებმა საჩვენებელიწარმოდგენები შემოგვთავაზეს. რევიამ და კაზაკოვამ აჭარული იცეკვეს, რომელიც ყინულზე მეტად ემოციური სანახავი გამოდგა.

ტრიუმფალური დღის შემდეგ გიორგი რევიას კომენტარი ასეთი იყო:

- შედეგითა და მიღებული ქულებით ძალიან გახარებულები ვართ, მაგრამ ჩვენი გამოსვლით ნაკლებად. გვქონდა შეცდომები, რაც უახლოეს მომავალში აუცილებლად უნდა გამოვასწოროთ. იყო მცირე ამოვარდნები, მაგრამ მალევე დავუბრუნდით რიტმს და სასიამოვნოა, რომ მსაჯებმა ჩვენი გარჯა დააფასეს.

6188
მკითხველის კომენტარები / 6 /
თაკო
0
დღეს გიორგის და მარიას ცეკვებზე ყურებით ვიწყებ! უზარმაზარი სიხარული, პოზიტივი, სიამაყე... დიდი მადლობა მათ ამისთვის!
555
0
ეს ქართველის და რუსის წყვილია და არა ქართული.კაზაკოვა ქართველი როდის გახდა.
მსგავსი ამბები
რუბრიკის სხვა სიახლეები
;