საბა კვირკველია: ქართველი გულშემატკივარი უნდა გავახაროთ

საბა კვირკველია ესპანურ მარბელაში მოსკოვის ”ლოკომოტივთან” ერთად სეზონისთვის ემზადება.

სწორედ ამ დროს გახდა ცნობილი, რომ ერთა ლიგაში საქართველოს საფეხბურთო ნაკრების მეტოქეები ლატვია, ყაზახეთი და ანდორა იქნებიან.

კვირკველიას ესპანეთში დავუკავშირდით და მოკლე ინტერვიუ ჩამოვართვით, რომელსაც ხვალინდელ "ლელოში" იხილავთ.

ახლა კი ერთა ლიგის წილისყრაზე მის კომენტარს გაგაცნობთ.

"ვერ ვიტყვი, რომ იოლი ჯგუფია და ადვილად გავალთ. მაგრამ წესით, ყველაფერი უნდა გავაკეთოთ, პირველ ადგილზე რომ გავიდეთ. კონკურენტებსაც ვერ დავასახელებ. წინასწარ არავინ იცის, შესარჩევ ციკლში ძალთა განლაგება როგორი იქნება.

არც მინდა ვინმე დავაცირო და ვთვა, რომ ეს სუსტია და იოლად მოვუგებთო. ფეხბურთის თამაში ყველამ ისწავლა და ვერავინ იტყვის, რომ ლატვია, ყაზახეთი და თუნდაც ანდორა ქულებს იოლად დაგვითმობს. ყველა გუნდთან მაქსიმალური მონდომებით და პატივისცემით ვითამაშოთ და იმედია, ქართველ გულშემატკივრებს გავახარებთ" - ამბობს კვირკველია.

3390
მკითხველის კომენტარები / 1 /
Euf
2
Age kaci mixvda ro meti martla ar shegvidzlia da nebismier jgufshi sheidzleba charchena
მსგავსი ამბები
რუბრიკის სხვა სიახლეები
;