საბერძნეთი-საქართველო. ბოლომდე ვეღარ ვდიეთ - 69:81

საქართველოს კალათბურთელთა ნაკრებმა საბერძნეთის ქალაქ კრეტაში მასპინძელთა ნაკრების წინააღმდეგ ითამაშა. ეს გახლდათ მსოფლიოს თასის მეორე საკვალიფიკაციო ეტაპის ბოლოსწინა მატჩი.

მატჩი "დიო აორაკიაზე" გაიმართა. ქართველების საქომაგოდ კონტინენტური საბერძნეთიდან 30-მდე ქართველი ჩამოვიდა, რომელიც მხურვალედ გულშემატკივროდა ჩვენს გუნდს.

ილიას ზუროსმა ასეთი სასტარტო ხუთეული დააყენა: ცინცაძე, მაკფადენი, სანაძე, დვალიშვილი და შერმადინი.

მასპინძელთა რიგებში სასტარტო იყო გამოცდილი იოანის ბურუსისი, რომელზეც ფარქვეშ ხშირად აგდებდნენ ბურთებს. ჩაგდება უჭირდა და მხოლოდ 9 ქულა მოაგროვა, რადგან შერმადინს ჯერ დვალიშვილი ეხმარებოდა თავისუფალი ზონის გადაკეტვაში, შემდეგ მის ნაცვლად გამოსული მიხეილ ბერიშვილი.

თუმცა ბურუსისს პერიმეტრზე კარგად აჰქონდა ბურთი და მასპინძლებიც სამქულიანს სამქულიანზე აგდებენ. მათ შორის ბურუსისიც გადიოდა სამქულიანის რკალსმიღმა და ზუსტადაც სტყორცნიდა.

შედეგად ბერძნების ანგარიშზე 33-დან 13 სამქულიანია.

ქართველთაგან კი გიორგი შერმადინი იყო საუკეთესო - 38 წუთში 27 ქულა და 15 მოხსნა მოაგროვა.

ბერძნებმა მესამე პერიოდში 20 ქულით გაგვასწრეს (53:33), თუმცა ქართველები ამის მერე გამოფხიზლდნენ, დაცვაში თამაშიც გამოასწორეს, პერიმეტრიდანაც სროლები გამოასწორეს და მეოთხე პერიოდში სხვაობა ხუთ ქულამდე შეამცირეს, თუმცა ბერძნებმა გადამწყვეტ მომენტშიც ზუსტი სამქულიანებით გადაწყვიტეს თამაშის ბედი.

1019
მკითხველის კომენტარები / 0 /
მსგავსი ამბები
რუბრიკის სხვა სიახლეები
;