საბურთალომაც დაიწყო - ბენდელაზე დისტანციას იცავენ

თბილისის „ლოკომოტივისა" და თბილისის "დინამოს" შემდეგ, ეროვნული ლიგის კლუბებიდან ვარჯიში „საბურთალომ" განაახლა. საქართველოს სუპერთასის მფლობელმა „საბურთალომ“ ჩემპიონატის განახლებისთვის მზადება „ბენდელას“ სტადიონზე დაიწყო.

მთავარმა მწვრთნელმა, თემურ შალამბერიძემ გუნდი კორონავირუსის პანდემიით გამოწვეული ორთვენახევრიანი იძულებითი პაუზის შემდეგ შეკრება. საწვრთნელი პროცესი ჯერ ფიზიკური კონდიციების აღდგენას ემსახურება. შალამბერიძის და ფიზმომზადების მწვრთნელების ხელმძღვანელობით გუნდი რამდენიმე ჯგუფად დაიყო და ფეხბურთელებმა ინდივიდუალურად ივარჯიშეს.

„ჩვენმა გუნდმა ბოლოს 11 მარტს ივარჯიშა. მეორე დღეს გუნდი „დინამოსთან“ დედაქალაქური დერბის მოლოდინში იყო, მაგრამ მსოფლიოში და მათ შორის, აქართველოში შექმნილი კორონავირუსის პრობლემის გამო, იძულებითი შესვენება მოუხდა. საწვრთნელ პროცესში ჯანდაცვის სამინისტროსა და დაავადებათა კონტროლის ცენტრის რეკომენდაციები გაითვალისწინებულია“ - წერია „საბურთალოს" პრეს-სამსახურის ცნობაში.

პანდემიის შემდგომ ჩამოყალიბებლი რეალობის გამო, ახლა მწვრთნელებზე განსაკუთრებით დიდი დატვირთვებია. ისინი გუნდს ერთად ვერ ავარჯიშებენ, რადგან ეს სამედიცინო რეკომენდაციებს არ პასუხობს. ამიტომ თავად ლამის მოედანზე ცხოვრება უწევთ.

შეგახსენებთ, რომ საქართველოს ჩემპიონატი 2 ტურის შემდეგ შეწყდა. ჯერ ჩემპიონატის განახლების ზუსტი თარიღი უცნობია.

743
მკითხველის კომენტარები / 0 /
მსგავსი ამბები
რუბრიკის სხვა სიახლეები
;