საბურთალომ ბოტევის წაუგებელი სერია შეაჩერა

"საბურთალო" თურქულ შეკრებაზე ბოლო საკონტროლო შეხვედრა ჩაატარა - გია ჭიაბრიშვილის გუნდი ბულგარეთის მთავარი საფეხბურთო ლიგის მეხუთეადგილოსან პლოვდივის "ბოტევს" და ამ გუნდის 19-მატჩიანი წაუგებელი სერია შეაჩერა.

27-ე წუთზე დავით ვოლკოვმა მეკარესთან პირისპირ დიმიტრი ტატანაშვილი გაიყვანა, რომელმაც მეკარეს შორეულ კუთხეში ზუსტად დაურტყა 1:0.

36-ე წუთზე, თავად ვოლკოვმა ივარგა და კარის წინ მარტო დარჩენილმა შანსი გოლად აქცია 0:2.

40-ე წუთზე ბულგარელების რადოსლავ ტერზიევმა ქართველი ფეხბურთელის წინააღმდეგ ძალიან იუხეშა და მთავარი არბიტრისგან პირდაპირ წითელი ბარათი დაიმსახურა.

მეორე ტაიმში თბილისელებს სხვაობის გაზრდის რეალური შესაძლებლობები ჰქონდათ: 71-ე წუთზე, დიმიტრი ტატანაშვილმა მცველი მოატყუა და მეკარესთან დასარტყმელ პოზიციაზე დარჩენილმა ახლო მანძილიდან მიზანს ააცილა. მერე კი ნოდარ იაშვილმა ფლანგური გადაცემით კარის წინ გიორგი კოხრეიძე მარტო დატოვა და სიზუსტემ მასაც უმტყუნა.

31 იანვარს თბილისელები სამშობლოში დაბრუნდებიან. გუნდი მეორე შეკრებაზეც თურქეთში 3 თებერვალს გაემგზავრებიან და 18 რიცხვამდე დარჩებიან.

2704
მკითხველის კომენტარები / 0 /
მსგავსი ამბები
რუბრიკის სხვა სიახლეები
;