საბურთალომ ფოთთან მეორე ტაიმში იბურთავა

საქართველოს ეროვნული ჩემპიონატის მეორე ტურის მატჩში ფოთის "კოლხეთმა" ზესტაფონში "დავით აბაშიძეზე" უმასპინძლა "საბურთალოს".

შეხვედრა თბილისური კლუბის გამარჯვებით 4:1 დასრულდა. თავიდან მინდორზე სენსაციის სუნი დატრიალდა. თბილისელთა საჯარიმოში ვლადიმერ გოგბერაშვილი წააქციეს და უმაღლსი საფეხბურთო სასჯელი სისრულეში ფოთელთა კაპიტანმა ლაშა გოგონაიამ მოიყვანა.

"საბურთალოს" მთავარმა მწვრთნელმა გია ჭიაბრიშვილმა საქმეში სამარქაფო ფეხბურთელები ჩააბა და სიტუაციაც გამოასწორა. მეორე ტაიმში მხოლოდ ერთი გუნდი, "საბურთალო" თამაშობდა.

ანგარიში ტაიმის დასაწყისშივე გაათანაბრა მეკარე სოლოსინთან პირისპირ გასულმა თორნიკე გორგიაშვილმა. იქვე გიორგი კოხრეიძემაც გამოიჩინა თავი. თამაშის დასრულებამდე საბურთალომ კიდევ ორი გოლი შეაგდო, რომლებიც გიორგი რეხვიაშვილისა და დიმიტრი ტატანაშვილის ანგარიშზეა.

საბოლოოდ 4:1 საბურთალოს სასარგებლოდ.

899
მკითხველის კომენტარები / 0 /
მსგავსი ამბები
რუბრიკის სხვა სიახლეები