საბურთალოს მეტოქემ მოლდოვის თასზე... 27:0 გაიმარჯვა!.. მაგრამ რაზე სწუხს შერიფის მწვრთნელი საქართველოს ჩემპიონთან მატჩის წინ?

...27:0, ოღონდ, არა ერთ მატჩში, არამედ, ორი თამაშის ჯამში. თუმცა რა მნიშვნელობა აქვს - როცა მერვედფინალში(!) გუნდი 12:0 და 15:0-ს იგებს (წაგებულის სახელი არ გაინტერესებთ? - "სირეცი"), ეს მთლად ყურიდან ყურში გასატარებელი ამბავი არ უნდა იყოს.

თუმცა არც ის გვგონია, რომ "საბურთალოსთვის" ამას რაიმე გადამწყვეტი მნიშვნელობა ჰქონდეს. ეჭვი არ არის, საქართველოს ჩემპიონი ამ 27:0-ის გარეშეც დიდი პასუხისმგებლობით ემზადება "შერიფთან" მატჩისთვის, რომლის პირველი "სერია" 10 ივლისს ტირასპოლში შედგება (ჩვენი დროით 21:00 საათზე), ხოლო მეორე - 17 ივლისს თბილისში.

იმედია, პირველი "სერია" ისეთი იქნება, მეორე ინტრიგას არ დაკარგავს, ბოლომდე "გვაყურებინებს" და ჩვენთვის "ჰეფი ენდითაც" დასრულდება. ეს სათასო მატჩი კი იმდენად არაფრისმთქმელი იყო თვით "შერიფისთვისაც", რომ გუნდის მთავარმა მწვრთნელმა ზორან ზეკიჩმა საერთოდ არ ისურვა ამ თამაშების კომენტირება და წუხილი გამოთქვა იმის გამო, რომ გუნდის ახალწვეულები (რომლებმაც მისი აზრით გააძლიერეს გუნდი) მზად არ იქნებიან "საბურთალოსთან" 90 წუთის სათამაშოდ.

1987
მკითხველის კომენტარები / 0 /
მსგავსი ამბები
რუბრიკის სხვა სიახლეები
;