'საბურთალოს' მსუყე ფრე სიდეში

“საბურთალომ” თურქულ შეკრებაზე მორიგი საკონტროლო შეხვედრა ჩაატარა. და ფრედ დაასრულა. გიორგი ჭიაბრიშვილის გუნდს ამჯერად ბოსნიის ჩემპიონატის ლიდერი “სარაევო” დაუპირისპირდა, რომელიც 9 თებერვალს “ვიტ ჯორჯიასთან” სკანდალურად ჩაშლილი მატჩით დაგვამახსოვდა.

ანგარიში თბილისელებმა მე-5 წუთზე გახსნეს: თავი გუნდის ახალწვეულმა ოგნიენ როლოვიჩმა გამოიჩინა, რომელმაც “საბურთალოს” მაისურით პირველი გოლი გაიტანა. 9 წუთში ბოსნიელებმა წონასწორობა აღადგინეს, “საბურთალო” კი შესვენებამდე მეორედაც დაწინაურდა - ლამაზი თავური დარტყმით გუნდს ისევ როლოვიჩი დაეხმარა - 2:1.

54-ე წუთზე ბოსნიელებმა კიდევ ერთხელ მოახერხეს ჩამორჩენის აღმოფხვრა, ხოლო 11 წუთში წინაც გავიდნენ - 3:2. მაგრამ 75-ე წუთზე “საბურთალომ” ანგარიში მაინც გაათანაბრა - მეტოქეს გურამ გოშთელიანმა გაუტანა - 3:3.

მე-80 წუთზე ბოსნიელებს უხეშობისთვის მოთამაშე გაუგდეს, მაგრამ ის თანაგუნდელმა შეცვალა და საბოლოოდ, ბოსნიის ჩემპიონატის ლიდერ “სარაევოსთან” დაპირისპირება ასეც დასრულდა - 3:3.

“საბურთალო”: შელიხოვი, მალი, ცნობილაძე, კაკუბავა, თევზაძე, ალთუნაშვილი, ტერა, შინდაგორიძე, გვარაძე, დვალიშვილი, როლოვიჩი; მეორე ტაიმში შეცვლაზე შევიდნენ: ჩაბრაძე, მარგველაშვილი, ჯინჯოლავა, ლაკვეხელიანი, ვაგნერი, კოხრეიძე, დიასამიძე, გოშთელიანი.

ჭიაბრიშვილის შეგირდები მორიგ ამხანაგურ შეხვედრას 15 თებერვალს რუსეთის პრემიერლიგის ბინადარ “ახმატთან” გამართავენ. მეორე შეკრებას კი ყაზახეთის “ქაისართან” მატჩით დასრულებენ.

თურქულ შეკრებაზე “სარაევოსთან” გამართული შეხვედრა მე-6 იყო “საბურთალოსთვის”. მანამდე, საქართველოს ჩემპიონი ეთამაშა რუმინულ “ვიტორულს” (2:1), მაკედონიურ “რაბოტნიჩკის” (1:2), სერბულ “ნაპრედაკს” (3:0), კიდევ ერთ მაკედონიური კლუბ “პანდევ აკადემიას” (0:0) და შვედურ “ესკილსტუნას” (1:1).

ყოველდღიური სპორტული გაზეთი "ლელო"
875
მკითხველის კომენტარები / 0 /
მსგავსი ამბები
რუბრიკის სხვა სიახლეები
;