საბურთალო ახალი სეზონისთვის მზადებას თურქეთში გაარგძელებს

"საბურთალო" ახალი სეზონისთვის მზადებას აგრძელებს. დღეს გიორგი ჭიაბრიშვილის გუნდი თურქეთის ქალაქ სიდეში გაემგზავრება, სადაც ორი კვირის განმავლობაში სასტუმრო "სენსიში" იცხოვრებს და იქვე ივარჯიშებს.

პარალელურად, თბილისელები ამხანაგურ შეხვედრებსაც გამართავენ. 20 და 25 იანვარს "საბურთალო" რუმინეთის უმაღლესლიგელებს - "კონკორდიასა" და "სეპსის" დაუპირისპირდება,

ხოლო პირველ შეკრებას 29 იანვარს ბულგარეთის მთავარი ლიგის ბინადარ "ბოტევთან" სპარინგით დაასრულებს. "საბურთალო" შეკრებაზე შემდეგი შემადგენლობით მიემგზავრა:

მეკარეები - ლაზარე კუპატაძე, ბექა ქურდაძე, გიორგი სომხიშვილი; მცველები - ნიკოლოზ მალი, ნოდარ იაშვილი, გრიგოლ ჩაბრაძე, დაჩი ცნობილაძე, გაგი მარგველაშვილი, თედორე გრიგალაშვილი, გიორგი ჯინჯოლავა, ლუკა ლაკვეხელიანი, ცოტნე ნადარაია;

ნახევარმცველები - თორნიკე თარხნიშვილი, ლადო მამუჩაშვილი, სანდრო ალთუნაშვილი, ელვინ ტერა, ბექა გვარაძე, თორნიკე გორგიაშვილი, ვაგნერ გონსალვეში, გიორგი დიასამიძე, გიორგი ხარაიშვილი;

თავდამსხმელები - დიმიტრი ტატანაშვილი, გიორგი კოხრეიძე, დავით ვოლკოვი, გურამ გოშთელიანი.

საინტერესოა, რომ 19-წლამდელთა გუნდიდან 16 წლის მცველი, პერსპექტიული გიორგი ჯინჯოლავა დააწინაურეს.

და ერთი საინტერესო ამბავიც: ეროვნული ლიგის ერთ-ერთი ყველაზე ახალგაზრდული გუნდის წევრი ლიგის ერთ-ერთი ყველაზე გამოცდილი ვეტერანი გახდა. "საბურთალოში" 37 წლის მეკარე გიორგი სომხიშვილი ჩაირიცხა და იქ ერთი წლის განმავლობაში ითამაშებს. სომხიშვილი ბოლოს ქობულეთის "შუქურას" ღირსებას იცავდა.

გუნდს ანთალიაში თავდამსხმელი გურამ გოშთელიანიც გაჰყვა. ის ლამის ორი წლის განმავლობაში ჩამოშორებული იყო ფეხბურთს.

ყოველდღიური სპორტული გაზეთი "ლელო"
936
მკითხველის კომენტარები / 0 /
მსგავსი ამბები
რუბრიკის სხვა სიახლეები
;