საბურთალო თურქულ შეკრებაზე რუმინელებს დაუზავდა

"საბურთალომ" თურქულ შეკრებაზე მეორე საკონტროლო შეხვედრა ჩაატარა - გიორგი ჭიაბრიშვილის გუნდის მეტოქე რუმინული "სეპსი" იყო.

ქალაქ სიდეში გამართული შეხვედრა თბილისელთა უპირატესობით წარიმართა, თუმცა გოლის გატანა ვერ მოხერხდა.

ჭიაბრიშვილის გაწვრთნილებს მეორე ტაიმში ანგარიშის გახსნის რამდენიმე შესაძლებლობა ჰქონდათ - ბექა გვარაძის დარტყმული ბურთი მცირედით ასცდა მეტოქის კარს.

69-ე წუთზე გიორგი ჯინჯოლავამ მეტოქეს ბურთი აართვა და მეკარესთან პირისპირ გაიყვანა დიმიტრი ტატანაშვილი, რომელმაც მეკარე მოატყუა და დაარტყა, მაგრამ... მცველმა ბურთი ცარიელი კარიდან გამოიტანა, ბოლოს კი ნოდარ იაშვილის დარტყმული ძელს მოხვდა.

სასიამოვნოა, რომ გარკვეული პაუზის შემდეგ მოედანს დაუბრუნდა გუნდის კაპიტანი გიორგი ხარაიშვილი, რომელმაც ბოლო 19 წუთი ითამაშა.

თბილისელები პირველ თურქულ შეკრებაზე ბოლო ამხანაგურ შეხვედრას 29 იანვარს ბულგარეთს უმაღლესი ლიგის კლუბ პლოვდივის "ბოტევთან" გამართავენ.

საბურთალო: ქურდაძე, მალი, ცნობილაძე, მარგველაშვილი, ჩაბრაძე, თარხნიშვილი, ტერა, ვაგნერი, გვარაძე, ალთუნაშვილი, ვოლკოვი;

მეორე ტაიმში: სომხიშვილი, იაშვილი, გრიგალაშვილი, ცნობილაძე (61. ჯინჯოლავა), ლაკვეხელიანი, თარხნიშვილი (71. ხარაიშვილი), მამუჩაშვილი, გორგიაშვილი, ტატანაშვილი, ვაგნერი (61. გვარაძე), ვოლკოვი (61. მალი).

ყოველდღიური სპორტული გაზეთი "ლელო"
924
მკითხველის კომენტარები / 0 /
მსგავსი ამბები
რუბრიკის სხვა სიახლეები
;