[VIDEO] საბურთალო გავიდა! შოკი - 10 წუთში 3 გოლი გაუშვა, მაგრამ გადარჩა

ჩემპიონთა ლიგის I საკვალიფიკაციო ეტაპის საპასუხო მატჩში თბილისის "საბურთალოს" და ტირასპოლის "შერიფს" (პირველი მატჩი 3:0) შორის მიხეილ მესხის სახელობის არენაზე გაიმართა.

გუნდებმა შეხვედრა ასეთი შემადგენლობებით დაიწყეს:

საბურთალო (4-4-2): მიგინეიშვილი - მალი, მარგველაშვილი, ლაკვეხელიანი, რეხვიაშვილი - დიასამიძე, გონსალვეში, ალთუნაშვილი, გორგიაშვილი - კოხრეიძე, როლოვიჩი.

მწვრთნელი: გიორგი ჭიაბრიშვილი.

შერიფი (4-3-3): მიკულიჩი - კრისტიანო, მუზეკი, ნ`დიაიე, პალჩიჩი - ჰორდიენკო, ანტონი, კენდიში - ბობანი, ტამბე, ლატიფი.

მწვრთნელი: ზორან ზეკიჩი.

მატჩის სტარტი ისეთი იყო, ყველაზე კოშმარულ სიზმარშიც ვერ ვნახავდით: მოლდოველებმა, რომელთა გუნდიც ლეგიონერებითაა გავსებული, საწყის 10 წუთში 3 გოლი გაგვტანეს. შესაბამისად ორი მატჩის ჯამში ანგარიში გათანაბრდა - 3:3.

"საბურთალო" ნელ-ნელა მოეგო გონს და ჯერ მეტოქის შეტევები გააუფერულა, შემდეგ თავადაც შეუტია... წინასწარ შეიძლებოდა გვეთქვა, რომ ვაკეში შეკრებილი გულშემატკივარი გოლს კიდევ იხილავდა. ასეც მოხდა: 59-ე წუთზე ლაკვეხელიანის ჩაწოდების შემდეგ ბურთს ოგნიენ როლოვიჩი დახვდა და "საბურთალომ" მომდევნო ეტაპზე გამსვლელი გოლი გაიტანა.

საბოლოოდ 1:3 და მეორე საკვალიფიკაციოში "საბურთალო" ხორვატულ "დინამოს" შეხვდება.

2665
მკითხველის კომენტარები / 1 /
წვიმა იყო
0
rogorc iqna movigeeeeeTTTT!!!!!
მსგავსი ამბები
რუბრიკის სხვა სიახლეები
;