საგოლე პასი, მაკრატელა... ქუთათელაძის ბრწინვალე დებიუტი სპარტაკში

შაბათს მოსკოვის "სპარტაკმა" ნიკოლოზ ქუთათელაძესთან გააფორმა კონტრაქტი და როგორც გაცნობეთ, შაბათსვე, 18 წლის ქართველს დებიუტი უნდა ჰქონოდა "სპარტაკისა" და ცსკა-ს დუბლიორთა მატჩში. დებიუტი შედგა და თან საკმაოდ შთამბეჭდავიც.

პირდაპირ ვთქვათ - ქუთათელაძეს, რომელმაც 66-ე წუთამდე ითამაშა, ძალიან დიდი წვლილი ჰქონდა "სპარტაკის" გამარჯვებაში (2:1). ჯერ აღსანიშნავია მისი მონაწილეობა პირველ საგოლე კომბინაციაში ("სამკუთხედი" გაუთამაშა პარტნიორს), მერე პირველი ტაიმის ბოლოს შესრულებული "მაკრატელა" (ფოტოზე) და ბოლოს საგოლე პასი ვიდრე მოედანს დატოვებდა - მოხდენილად აუარა გვერდი მეკარეს და თანაგუნდელს გაატანინა.

აი, ასე! იმედი ვიქონიოთ, ქუთათელაძე პროგრესის გზით ივლის და მალე დიდ "სპარტაკშიც" ექნება დებიუტი. ვინ იცის, როგორი ტალანტი ეზრდება საქართველოს!

3679
მკითხველის კომენტარები / 0 /
მსგავსი ამბები
რუბრიკის სხვა სიახლეები
;