სადამდე აფრინდა ბითაძე, რა დააფარა! [VIDEO]

ადრიატიკის ლიგაზე ნახევარფინალური სერიები დაიწყო. გოგა ბითაძის "ბუდუჩნოსტი" ხორვატიის "ცედევიტას" ესტუმრა და დაძაბულ ბრძოლაში 83:90 დამარცხდა.

მონტენეგროელებს გამარჯვების რეალური შანსი ჰქონდათ, ბოლო წუთებამდე სხვაობა მხოლოდ სამი ქულა იყო, თუმცა დაწინაურება ვერ მოახერხეს.

ბითაძემ 22 წუთი ითამაშა, 4-დან 3 ორქულიანი, 3-დან 2 საჯარიმო ჩააგდო, 8 ქულას 4 მოხსნა და 2 დაფარება მიამატა. ერთ-ერთი დაფარება იმდენად ეფექტური გამოვიდა, მატჩის მსვლელობისასვე ამოჭრეს და გამოაქვეყნეს ადრიატიკის ლიგის საიტის ჟურნალისტებმა.

"ცედევიტაში" ითამაშა საქართველოს ნაკრების ყოფილმა კალათბურთელმა ჯეიკობ პულენმა, რომელმაც 20 ქულა და 2 მოხსნა გაიფორმა.

როგორც მოგახსენეთ, ეს ნახევარფინალური სერიის პირველი მატჩი იყო. სერია ორ მოგებამდეა. ამ გუნდების მომდევნო მატჩი 31 მარტს მონტენეგროში გაიმართება.

ყოველდღიური სპორტული გაზეთი "ლელო"
2134
მკითხველის კომენტარები / 0 /
მსგავსი ამბები
რუბრიკის სხვა სიახლეები
;