სადღეისო მდგომარეობით, შენგელიასა და შერმადინის ნაკრებში თამაში გამორიცხულია

24 ნოემბერს საქართველოს ნაკრები მსოფლიოს თასის საკვალიფიკაციო ეტაპზე პირველ მატჩს გამართავს გერმანიაში. სანაკრებო შეხვედრები ევროლიგის ტურს ემთხვევა, ევროლიგის ხელმძღვანელობა კი ტურის გადატანას არ აპირებს, რის გამოც ბევრი ნაკრები დაკარგავს ლიდერებს.

ამ და სხვა საკითხებზე კალათბურთის ფედერაციის პრეზიდენტს მიხეილ გაბრიჩიძეს ვესაუბრეთ.

"სადღეისო მდგომარეობით თორნიკე შენგელიასა და გიორგი შერმადინის ნაკრებში ჩამოსვლა გამორიცხულია. 24 ნოემბრამდე ცოტა დრო რჩება და მეეჭვება, ამასობაში ფიბა-მ და ევროლიგამ საერთო ენა გამონახონ.

არადა, ფიბა-მ სანაკრებო მატჩები წელიწადის რამდნიმე თვეზე იმიტომ გაანაწილა, რომ გულშემატკივრებს მაღალი დონის კალათბურთის ყურების საშუალება მთელი წლის განმავლობაში ჰქონოდათ.

დღეს კი ფორმატის შეცვლის იდეა გაუმრთლებლად მოჩანს, გუნდები მეორე შემადგენლობებით გამოვლენ საკვალიფიკაციო ეტაპზე, რაც თამაშების ხარისხზეც აისახება."

ინტერვიუს სრულ ვერსიას გაზეთ "ლელოს" 8 ნოემბრის ნომერში წაიკითხავთ

2844
მკითხველის კომენტარები / 0 /
მსგავსი ამბები
რუბრიკის სხვა სიახლეები