საიდან მილიარდი? ნეიმარის ტრანსფერმა 'ბარსელონაში' ახალი ეპოქა გახსნა

ცოტა ხნის წინათ, "ბარსელონამ" გამოაქვეყნა 2017-18 წლების სეზონის ფინანსური ანგარიში.

კლუბმა გამოიმუშავა 1.05 მილიარდი დოლარი (914 მილიონი ევრო) და პირველი სპორტული ორგანიზაცია გახდა ისტორიაში, რომელმაც ერთი კალენდარული წლის განმავლობაში შეძლო მილიარდ დოლარზე მეტის შოვნა.

2012-13 წლების სეზონში, "ბარსელონამ" მხოლოდ 490 მილიონი ევრო გამოიმუშავა, უკვე ხუთი წლის შემდეგ, თითქმის ორჯერ მეტი. მაგრამ გუნდის ხარჯებიც გაიზარდა: თუ ხუთი წლის წინათ, კატალონელები მხოლოდ 440 მილიონ ევროს ხარჯავდნენ სეზონში, ახლა ეს თანხა თითქმის 900 მილიონამდე ავიდა.

ჯერ კიდევ რამდენიმე წლის წინ, "ბარსელონას" არ შეეძლო "რეალთან", "მანჩესტერ იუნაიტედთან" და "ბაიერნთან" კონკურენცია ყველაზე ძვირფასი საფეხბურთო ბრენდის სტატუსზე. ახლა კი "ბარსელონა" უკვე ებრძვის ამერიკული NFL-ის კლუბებს იმისთვის, რომ სპორტის ყველა სახეობაში მსოფლიოს მთავარ კლუბად იწოდებოდეს.

შარშანწინდელ სეზონთან შედარებით, შემოსავალი 200 მილიონი ევროთი გაიზარდა. ეს ძალიან დიდი ზრდაა - ასეთი რამ ევროპის ტოპ-კლუბებში არასოდეს დაფიქსირებულა. რა თქმა უნდა, ამაში წამყვანი როლი ითამაშა ნეიმარის ტრანსფერმა. ამ გარიგების გარეშე, კლუბი 800 მილიონ ევრომდეც ვერ ავიდოდა. მაგრამ კლუბის ხელმძღვანელობამ სწორად და უნარიანად გამოიყენა ის შესაძლებლობები, რომელიც მას გაუჩნდა.

კატალონელების სუფთა მოგებამ 32 მილიონი ევრო შეადგინა, გადასახადების გამოკლების შემდეგ - 11 მილიონი. ბოლო რვა წლის განმავლობაში, კლუბმა დაახლოებით 200 მილიონი ევროს ოდენობის მოგება ნახა - სარეკორდო მაჩვენებელია ესპანურ ფეხბურთში. "ბარსელონას" ეს დაეხმარება რამდენიმე წლის შემდეგ, როცა კლუბი ყველაფერზე ეკონომიას დაიწყებს სტადიონის რეკონსტრუქციის გამო.

როგორ იშოვა ბარსელონამ ამდენი
ფული?

კატალონური კლუბის შემოსავლების ძირითადი ნაწილი - მარკეტინგულ ოპერაციებზე მოდის. გასულ წელს, სასპონსორო ხელშეკრულებებმა, ატრიბუტიკის გაყიდვამ და კომერციულმა მატჩებმა "ბარსელონას" 299 მილიონი ევრო მოუტანეს. ეს სარეკორდო ციფრებია კლუბის ისტორიაში. 2016-17 წლების სეზონთან შედარებით, ის 13 პროცენტით (35 მილიონი ევროთი) მეტია.

როგორც ჟურნალი Fორბეს იტყობინება, სპონსორებზე კლუბმა დაახლოებით 247 მილიონი დოლარი გამოიმუშავა, რაც ასევე სარეკორდო მაჩვენებლებია ფეხბურთში. EშPN-ის ინფორმაციით, მხოლოდ Nიკე-თან შეთანხმებით, "ბარსელონა" 100 მილიონ დოლარს გამოიმუშავებს ერთ წელიწადში. კლუბის სატიტულო სპონსორი, იაპონური კომპანია ღაკუტენ ყოველწლიურად გუნდზე დაახლოებით 58 მილიონ დოლარს ხარჯავს.

182 მილიონი ევრო "ბარსელონამ" გამოიმუშავა თავისი სტადიონის წყალობით. ეს 7 მილიონით მეტია შარშანწინდელ სეზონთან შედარებით. გასულ წელს, გუნდის თამაშებს დაახლოებით 2 მილიონი მაყურებელი დაესწრო, მაგრამ ბილეთების რეალიზაციიდან შემოსავალი 2016-17 წლების სეზონთან შედარებით დაეცა. კლუბის შემოსავალი გაიზარდა დიდი რაოდენობით ტურისტების წყალობით, რომლებსაც სურთ "კამპ ნოუზე" ექსკურსიით ისარგებლონ. აღვნიშნოთ ის ფაქტიც, რომ კლუბმა რამდენიმე მილიონი დაკარგა იმის გამო, რომ გასულ სეზონში ერთი მატჩი ცარიელი ტრიბუნების ქვეშ ჩატარდა.

სატელევიზიო უფლებების რეალიზაციიდან და უეფასგან ჩემპიონთა ლიგაზე მონაწილეობისთვის მიღებულმა თანხამ 187 მილიონი ევრო შეადგინა. "ბარსელონა" ტურნირის ფინალში რომ გასულიყო, მისი შემოსავლები ამ მიმართულებით 210 მილიონამდე გაიზრდებოდა. მომავალი სეზონიდან დაწყებული, შემოსავლების ეს ნაწილი მნიშვნელოვნად ამაღლდება, რადგან ძალაში შედის ჩემპიონთა ლიგაზე პრემიალურების გადანაწილების ახალი სისტემა.

მაგრამ, ამ მილიარდში მთავარი დამსახურება, რა თქმა უნდა, მიუძღვის "პარი სენ-ჟერმენში" ნეიმარის ტრანსფერს. თუ 2016-17 წლების სეზონში "ბარსელონამ" ფეხბურთელების გაყიდვით 73 მილიონი ევრო გამოიმუშავა, გასულ წელს ამ რიცხვმა 228 მილიონი შეადგინა. ბრაზილიელში აღებული 222 მილიონი ევრო რამდენიმე წელზეა განაწილებული.

გასაკვირია, მაგრამ მსოფლიოს ერთ-ერთი ყველაზე პოპულარული ფეხბურთელის დაკარგვამ გუნდს დამატებითი პლუსები მოუტანა. ზედმეტმა 150-მა მილიონმა ევრომ საშუალება მისცა კლუბს ახალ პროექტებში ჩაედო თანხა. ამ პროექტებიდან ზოგიერთი უკვე დაწყებულია და ზოგიც მალე გაიხსნება. გარდა ამისა, მათ დაფარეს კრედიტორების წინაშე ვალის ნაწილი, თუმცა, ანგარიშში ზუსტი თანხა მითითებული არ არის.

ხელფასებზე ნახევარი მილიარდი იხარჯება

გასულ სეზონში კლუბმა 882 მილიონი ევრო დახარჯა. ამ თანხის დიდი ნაწილი ფეხბურთელებისა და სამწვრთნელო შტაბის ხელფასზე წავიდა. კლუბის თანამშრომლებმა ჯამში 520 მილიონი ევრო მიიღეს - 155 მილიონით მეტი, ვიდრე 2016-17 წლების სეზონში.

ყველაზე მეტს კლუბში ლიონელ მესი იღებს. Mარცა-ის ინფორმაციით, ახალი ხელშეკრულების მიხედვით, არგენტინელს გარანტირებული ექნება სეზონში 71 მილიონი ევრო: ხელფასი - 30 მილიონი ევრო, დანარჩენი - კლუბის მიერ ფეხბურთელის ბრენდის გამოყენების უფლება. ასევე მის კონტრაქტში გაწერილია ბონუსები გამოსვლებზე და გიჟური ბონუსები ლოიალობისთვის - თუ ის დარჩება "ბარსელონაში" 2021 წლამდე, გარანტირებულად დამატებით მიიღებს კიდევ 70 მილიონ ევროს.

157 მილიონი ევრო "ბარსელონამ" დახარჯა საორგანიზაციო საკითხებში, აგრეთვე, სპორტული ობიექტების შენახვაში. "კამპ ნოუ" მთლიანად კლუბის ბალანსზეა, ხოლო იმის გამო, რომ კლუბი სტადიონს ყოველ დღე იყენებს (ექსკურსიები, კონცერტები), დანახარჯები მის ექსპლუატაციაზე ერთ-ერთი ყველაზე დიდია მსოფლიოში.

ტრანსფერებზე კლუბმა დახარჯა მხოლოდ 119 მილიონი ევრო. ეს თითქმის 50 მილიონით მეტია, ვიდრე 2016-17 წლების სეზონში, თუმცა, გასულ წელს "ბარსაში" გადავიდნენ ფილიპე კოუტინიო და უსმან დემბელე. "ლივერპული" ბრაზილიელში 130 მილიონ ევროს მიიღებს, "დორტმუნდი" ფრანგისთვის - 115 მილიონს. ეს სიტუაცია ანალოგიურია იმისა, რაც ხდება ნეიმარის გაყიდვიდან მიღებულ მოგებაზე: გადახდა რამდენიმე წელზეა გადანაწილებული. ევროპული კლუბები ამ გზით იცილებენ თავიდან უეფას მიერ შემოღებული ფინანსური ფაირ პლაყ-ის მკაცრ წესებს.

საფეხბურთო ბარსელონა კალათბურთსა და
ხელბურთზე ზრუნავს

"ბარსელონას" ბიუჯეტმა 2018-19 წლების სეზონში 929 მილიონი ევრო შეადგინა. ეს სარეკორდო მაჩვენებელია კლუბის ისტორიაში. კლუბის თანამშრომელთა ხელფასზე დანახარჯი ისევ ნახევარი მილიარდი დოლარია. მკვეთრი ვარდნა არ იგეგმება ახალი ფეხბურთელების გაფორმების გამო.

საორგანიზაციო მომენტებზე დანახარჯები გაიზრდება მინიმუმ 40 მილიონი ევროთი. მიზეზი იასა, რომ "ბარსელონამ" ივნისში ახალი იურიდიური ერთეული შექმნა - Bარცელონა Lიცენსინგ ანდ Mერცჰანდისინგ, რომელიც დაკავებული იქნება მთელ მსოფლიოში კლუბის ატრიბუტიკის გავრცელებით. ადრე ამას Nიკე აკეთებდა, რომელიც გუნდის ყველა პროექტს მართავდა - იქნებოდა ეს ახალი მაღაზიის გახსნა კატალონიასა თუ სინგაპურში.

ასევე კლუბი 70 მილიონ ევროს ჩადებს პროექტში, სახელწოდებით - Eსპაი Bარცა. ეს არის კლუბის სამშენებლო ქვეგანყოფილება, რომელიც ამ მომენტისთვის დაკავებულია მთელ კატალონიაში ახალი მაღაზიების აშენებით, აგრეთვე, ახალი არენის Nოუ Pალაუ Bლაუგრანა-ს მშენებლობით. ეს არის 12.5 მაყურებელზე გათვლილი დახურული სპორტული კომპლექსი, სადაც გადავლენ "ბარსელონას" კალათბურთის, ხელბურთისა და მინიფეხბურთის სექციები. ელოდებიან, რომ "კამპ ნოუს" 600 მილიონ ევროდ შეფასებული რეკონსტრუქცია მომავალ წელს დაიწყება, როცა გაიხსნება ეს 12-ათასიანი დარბაზი.

შეგახსენებთ, რომ "ბარსელონა" - სპორტული საზოგადოებაა, მასში შედიან სპორტის სხვა სახეობის გუნდები. ფაქტობრივად, საფეხბურთო გუნდის შემოსავლები არჩენს კალათბურთელებსა და ხელბურთელებს. და საზოგადოება უარს არ ამბობს თავის მისიაზე და მილიონობით ევროს დებს წინასწარ წამგებიან განყოფილებებში, როგორიცაა მინიფეხბურთი ან ჰოკეი.

"ბარსელონა" პროგნოზირებს, რომ ამ სეზონში გამოიმუშავებს დაახლოებით 960 მილიონ ევროს. ეს დაახლოებით 1.1 მილიარდი დოლარია. სუფთა მოგება უნდა დარჩეს იმავე დონეზე, რაც გასულ წელს იყო - დაახლოებით 10 მილიონი ევრო.

ელოდებიან, რომ მთელი შემოსავლის მესამედს მოიტანს ახალი სასპონსორო ხელშეკრულებები. მაგალითად, ძალაში შევიდა კონტრაქტი თურქულ კორპორაცია Kოც Hოლდინგ-თან, რომელიც უშვებს Bეკო-ს საყოფაცხოვრებო ტექნიკას. ბრენდის ლოგო გაჩნდება "ბარსელონას" საწვრთნელ ფორმაზე. ამისთვის თურქები სეზონში 20 მილიონ ევროს გადაიხდიან.

როცა მესი წავა...

"ბარსელონას" განვითარება პოსტ-ნეიმარისეულ პერიოდში შეტანილი უნდა იყოს სპორტული მარკეტინგის სახელმძღვანელოებში. კლუბის ხელმძღვანელობამ შესანიშნავად მოახდინა ზედმეტი ათეულობით მილიონის ინვესტირება: მან შეძლო ხელშეკრულების გაგრძელება გუნდის ისტორიაში მთავარ მოთამაშესთან, შეიძინა რამდენიმე ახალი ფეხბურთელი, დააბანდა ფული თავის ინფრასტრუქტურაში და შექმნა ახალი განყოფილება.

და იმის ნაცვლად, რომ შემოსავლების ვარდნას ელოდოს მას შემდეგ, რაც "პარი სენ-ჟერმენიდან" სრულად მიიღებს თანხას, პირიქით, კლუბი კიდევ უფრო მეტს გამოიმუშავებს. სუფთა მოგება, შესაძლოა, არ იყოს, რადგან სტადიონის რეკონსტრუქციაზე ხარჯები კოსმოსური იქნება. ჩანაფიქრის მიხედვით, პარიზული ფული, რომელიც საკალათბურთო და სახელბურთო კლუბების განვითარებაზე წავიდა, საშუალებას მისცემს ამ გუნდებს, თავად გამოიმუშაონ საკუთარი თავის შესანახი ფული და შესაბამისად, საფეხბურთო "ბარსას" მოქმედების მეტი თავისუფლება ექნება.

თავის მხრივ, ხარჯების ზრდამ, რომელიც შემოსავლების ზრდას ერთვის თან, შეისაძლოა, ცუდი სამსახური გაუწიოს "ბარსელონას". რა მოხდება, თუ კლუბი ვერ შეძლებს ამ სეზონში დახარჯული თანხის ამოღებას? მართალია, ჯერჯერობით კლუბს აქვს 200 მილიონი ევროს დანაზოგი და ყველაფერი კარგადაა, მაგრამ არსებობს გლობალური პრობლემები. რა დაემართება კლუბს, როცა მესი დაასრულებს ფეხბურთის თამაშს? ეს უფრო სერიოზული საკითხია, ვიდრე ნეიმარის გადასვლა.

ყოველდღიური სპორტული გაზეთი "ლელო"
266
მკითხველის კომენტარები / 0 /
მსგავსი ამბები
რუბრიკის სხვა სიახლეები