საიდუმლო შეხვედრა იბიცაზე, რომელსაც შეიძლება სკანდალი მოჰყვეს. რას სთხოვა იუვენტუსის გენერალურმა დირექტორმა იკარდის ცოლსა და აგენტს?

იტალიური სააგენტოების ინფორმაციით, მაურო იკარდის ცოლი და აგენტი ვანდა ნარა, რომელიც იბიცაზე ისვენებდა, "იუვენტუსის" სპორტულმა დირექტორმა ფაბიო პარატიჩიმ მოინახულა. იტალიური წყაროების ცნობით, მათი შეხვედრა მომხდარი ფაქტია (თუმცა ჯერჯერობით არ გავრცელებულა ამ შეხვედრის ამსახველი ფოტო თუ აუდიომასალა), ახლა მთავარია, რაზე ილაპარაკეს მხარეებმა...

ვანდასა და "იუვენტუსის" მაღალჩინოსნის შეხვედრა ძალიან დიდი ალბათობით იმას ნიშნავს, რომ "ბებერ ქალბატონს" სურს, 26 წლის იკარდი მის რიგებში იხილოს. როგორც ჩანს, არგენტინელი ფორვარდი არ შედის "ინტერის" გეგმებში. როგორც ამბობენ, ანტონიო კონტეს არ სურს ურთიერთობა პრობლემურ ფეხბურთელთან არანაკლებ პრობლემური აგენტით...

იკარდის ყიდვა სურს "ნაპოლის", რომელიც "ინტერს" 60 მილიონ ევროს სთავაზობს. სწორედ ამ მოსალოდნელი გარიგებისთვის ხელის შესაშლელად ეწვია პარატიჩი ვანდას, რომლის გარეშეც მაურო ერთ ნაბიჯს არ გადადგამს.

როგორც ამტკიცებენ, "იუვენტუსის" გენერალურმა დირექტორმა სთხოვა იკარდის ცოლს, უარი თქვან "ნაპოლის" შეთავაზებაზე. უცნობია, საპირისპიროდ რა წინადადება აქვს ტურინულ გრანდს. საქმე ისაა, რომ პარატიჩიმ კარგად იცის - იკარდი "იუვეს" ანიჭებს უპირატესობას.

სწორედ ამიტომ იყო საჭირო შეხვედრა ვანდასთან, რომელმაც იბიცა დატოვა და ახლა სარდინიის მზეს მიეფიცხება, მაურო კი 7 ივლისს "ინტერის" განკარგულებაში უნდა გამოცხადდეს შვეიცარიულ კურორტ ლუგანოში, სადაც კონტეს ხელმძღვანელობით პირველი შეკრება დაიწყება...

850
მკითხველის კომენტარები / 0 /
მსგავსი ამბები
რუბრიკის სხვა სიახლეები
;