საიტალიოდ 28 მორაგბე შეირჩა

საქართველოს ნაკრები საფრანგეთიდან ფლორენციაში გაემგზავრა, სადაც შაბათს, 10 ნოემბერს იტალიის ეროვნულ გუნდს დაუპირისპირდება.

მილტონ ჰეიგმა თან 28 მორაგბე იახლა. გუნდს გამოაკლდნენ და თბილისში დაბრუნდებიან, საბა შუბითიძე, ალექსანდრე თოდუა, ანზორ სიჭინავა და გრიგორ ქერდიყოშვილი.

უკვე ვწერდით, რომ ტრავმების გამო ჩვენს გუნდს რამდენიმე მოთამაშე ვერ დაეხმარება. ესენია: კონსტანტინე მიქაუტაძე, დავით კაჭარავა, კარლენ ასიეშვილი, გიორგი ნემსაძე, ვიქტორ კოლელიშვილი, გიორგი თხილაიშვილი, მირიან მოდებაძე და მერაბ კვირიკაშვილი.

გვყავს სამი დებიუტანტი: ბურჯები გურამ გოგიჩაშვილი და ბექა გიგაშვილი, მგეზავი თედო აბჟანდაძე.

"ამ მატჩისადმი ძალიან დიდ ინტერესს ბრიტანული მედია იჩენს. უკანასკნელი ორი კვირის განმავლობაში ისინი არაერთხელ დამიკავშირდნენ. დიდი ინტერესით ელიან მატჩს საფრანგეთსა და, ცხადია, იტალიაშიც. რამდენიმე ახალზელანდიური გამოცემაც კი დამიკავშირდა.

ძალიან ბევრი ელოდება ამ მატჩს. საზოგადოებასა და მედიაში გრძელდება საუბრები იმის შესახებ, რომ საქართველო რაიმე სახით უნდა გახდეს ექვსი ერის წევრი - იქნება ეს ფორმატის შეცვლით, თუ ჩანაცვლების მეთოდით. ჩვენ, რა თქმა უნდა, გვსურს, რომ ეს "საუბრები" გაგრძელდეს და საამისოდ შესაბამისი შედეგები ვაჩვენოთ. მაგრამ, როგორც ადრე აღვნიშნეთ, იტალიამ საკმაოდ მნიშვნელოვნად გააუმჯობესა თამაში მას შემდეგ, რაც მათი მწვრთნელი კონორ ოში გახდა." - თქვა საქართველოს ნაკრების ახალზელანდიელმა მთავარმა მწვრთნელმა მილტონ ჰაიგმა.

შეგახსენებთ, რომ მატჩი ფლორენციაში თბილისის დროით 18 საათზე დაიწყება.

საქართველოს ნაკრები
პირველი ხაზი: მიხეილ ნარიაშვილი (მონპელიე), ზურაბ ჟვანია (ვოსფსი), გურამ გოგიჩაშვილი (რასინგი), ჯაბა ბრეგვაძე (სანვულვზი), შალვა მამუკაშვილი (ენისეი), ბადრი ალხაზაშვილი (ტულონი), ლევან ჩილაჩავა (მონპელიე), დავით ქუბრიაშვილი (გრენობლი), ბექა გიგაშვილი (გრენობლი)
მეორე ხაზი: ნოდარ ჭეიშვილი (კორნიშ პირატუსი), ლაშა ლომიძე (ორიაკი)
მესამე ხაზი: შალვა სუთიაშვილი (ანგულემი), ოთარ გიორგაძე (ბრივი), გიორგი ცუცქირიძე (ორიაკი), ბექა გორგაძე (ბორდო), ბექა ბიწაძე (ნარბონი)
#9: ვასილ ლობჟანიძე (ბრივი), გიორგი ბეგაძე (ლოკომოტივი), გელა აფრასიძე (მონპელიე)
#10: ლაშა ხმალაძე (ბათუმი), თედო აბჟანდაძე (აია)
#12-13: მერაბ შარიქაძე (ორიაკი), გიორგი კვესელაძე (არმაზი), თამაზ მჭედლიძე (აჟენი), ლაშა მალაღურაძე (კრასნი იარი), ზურაბ ძნელაძე (ლოკომოტივი).
#11-14: გიორგი კოშაძე (ხარები), გიორგი აფციაური (ლოკომოტივი)
#15: სოსო მათიაშვილი (ლელო)

ტესტები

10 ნოემბერი
იტალია-საქართველო
17 ნოემბერი
საქართველო-სამოა
24 ნოემბერი
საქართველო-ტონგა

ყოველდღიური სპორტული გაზეთი "ლელო"
375
მკითხველის კომენტარები / 0 /
მსგავსი ამბები
რუბრიკის სხვა სიახლეები