საიტერესო ინიციატივა: ვუქომაგოთ საქართველოს ახალგაზრდულ ნაკრებს სოფიაში

საქართველოს ახალგაზრდულმა ნაკრებმა აპრილში ევროპის ახალგაზრდული ლიგა მოიგო. იმ მატჩებში გუნდს "გრან კანარიას" გამთამაშებელი ლუკა ბულაშვილი დაემატა, ფინალში საუკეთესო იყო ეროვნული ნაკრების წევრი ნიკა დარბაიძე. ამ ზაფხულს კიდევ ორი ლეგიონერის იმედი გვაქვს - "მეგა ბიმაქსის" ცენტრის გოგა ბითაძის და "სეტონ ჰოლის" ფორვარდის სანდრო მამუკელაშვილის.

თუ გათვალისწინებით იმასაც, რომ ძირითადი ბირთვი "თსუ-ჰიუნდაის" წევრია და მშვენივრადაა შეთამაშებული, თამამად შეგვიძლია ვთქვათ, რომ საქართველოს ნაკრები ევროპის ჩემპიონატის შესარჩევ ეტაპზე ერთ-ერთი ფავორიტი იქნება. შეგახსენებთ, რომ 20-წლამდელთა ევროპის შესარჩევი (იგივე B დივიზიონი) 12 ივლისს ბულგარეთის დედაქალაქ სოფიაში დაიწყება და 23-ში დასრულდება. საქართველოს ნაკრები D ჯგუფშია კოსოვოსთან, პორტუგალიასთან, პოლონეთთან და ფინეთთან. საერთოდ კი, 22 გუნდიდან ევროპის ჩემპიონატზე 3 საუკეთესო გავა - ორი ფინალისტი და ერთიც მესამეადგილოსანი.

- გამომდინარე იქიდან, რომ საქართველოს ახალგაზრდულ ნაკრებში ეროვნული გუნდის რამდენიმე წევრია, მთლიანად შემადგენლობაც ძლიერია, ჰყავს ძალიან კარგი მწვრთნელი, გვაქვს იმედი, რომ გუნდი დასახულ მიზანს მიაღწევს და ევროპის ჩემპიონატის საგზურის მოიპოვებს. მათთვის, ვისაც სურს ჩვენს გუნდს მხარში დაუდგეს, ჩამოვაყალიბეთ ფანკლუბი, სახელწოდებით "კალათბურთის მოყვარულთა კლუბი". ვისაც ქომაგობის და კლუბში გაწევრიანების სურვილი ექნება, სიამოვნებით მივიღებთ. სპეციალურად ევროპის შესარჩევისთვის ვამზადებთ ჩარტერულ რეისს და გულშემატკივრებს საშუალება ექნებათ 20-წლამდელთა ნაკრებს უშუალოდ სოფიაში უგულშემატკივრონ, - გვითხრა "კალათბურთის მოყვარულთა კლუბის" დამფუძნებელმა ზურაბ მამუკელაშვილმა.

უფრო ვრცლად ახალგაზრდული ნაკრებისა და ამ ფანკლუბის შესახებ უახლოეს დღეებში მოგითხრობთ.

[EXCLUSIVE] სანდრო მამუკელაშვილი: ყველგან, სადაც ვთამაშობდი და ვითამაშებ, საქართველოს სახელისთვის

ყოველდღიური სპორტული გაზეთი "ლელო"
551
მკითხველის კომენტარები / 0 /
მსგავსი ამბები
რუბრიკის სხვა სიახლეები