სალაჰი თუ მესი - რომელია უკეთესი?

"ლივერპულის" შემტევი, მოჰამედ სალაჰი ამ სეზონში შეუჩერებელია. უკანასკნელ მატჩში ეგვიპტელმა "უოტფორდის" წინააღმდეგ პოკერი შეასრულა და საგოლე გადაცემაც შეასრულა.

სალაჰის პირველი გოლი ძალიან ჰგავდა მესისას. არგენტინელმა "ბაერნის" მცველი, ჯერომ ბოატენგი გააბითურა, სალაჰმა კი მიგელ ანხელ ბრიტოსს აწყევლინა თავბედი.

ასეთი თამაშის გამო, The Sun-მა მოჰამედი ყველა დროის ერთ-ერთ საუკეთესო ფეხბურთელს, ლიონელ მესის შეადარა.

სალაჰმა ამ სეზონი 36 გოლი გაიტანა, მესიმ კი 35. ეგვიპტელს გოლი ყოველ 90.4 წუთში ერთხელ გააქვს, არგენტინელს კი 104.7 წუთი სჭირდება.

მესიმ კარის მიმართულებით 112-ჯერ დაარტყა, სალაჰმა კი 77-ჯერ, რაც იმას ნიშნავს, რომ მოჰამედის დარტყმების შედეგად გოლების პროცენტული მაჩვენებელი 22.6-ია, მესის კი 14.8

სამაგიეროდ, მესიმ 16 საგოლე გადაცემა შეასრულა, სალაჰმა კი 10.

რა შეიძლება ითქვა, ორი შესანიშნავ ფორმაში მყოფი ფენომენალური მოთამაშე, ნებისმიერი მწვრთნელის ოცნება და წარმატების ფორმულა, უბრალოდ განხსვავება ისაა, რომ მესი ამას უკვე ძალიან დიდი ხანია აკეთებს, სალაჰმა კი საფეხბურთო სამყაროს გაოგნება ამ სეზონში დაიწყო...

მერსისაიდული კლუბის ლეგენდარულმა ფეხბურთელმა, სტივენ ჯერარდმა სალაჰის თამაშს "დიდების დასაწყისი" უწოდა.

"არ ვფიქრობ, რომ მოს (სალაჰს) ან ვინმე სხვას სურს, რომ მესის შეადარონ. ლიონელი უკვე 20 წელია აკეთებს, იმას, რასაც აკეთებს," - აღნიშნა "ლივერპულის" მთავარმა მწვრთნელმა იურგენ კლოპმა.

2732
მკითხველის კომენტარები / 0 /
მსგავსი ამბები
რუბრიკის სხვა სიახლეები
;