ლევან სალუქვაძე დინამოში აღარ არის

თბილისის "დინამოს" პრეზიდენტის მრჩეველმა ლევან სალუქვაძემ კლუბიდან წასვლის გადაწყვეტილება მიიღო. ამასთან დაკავშირებით გუშინ მან "ლელოსთან" კომენტარი გააკეთა:

"მართლაც დავტოვე "დინამო". კონტრაქტი 31 დეკემბერს დასრულდა. ორივე მხარეს გვსურდა თანამშრომლობის გაგრძელება, მაგრამ ეს შეუძლებელი აღმოჩნდა. მე ვარ "Silk TV-ის" სპორტული მიმართულების მთავარი პროდიუსერი . "Silk TV" ახალი სეზონიდან კიდევ ბევრ სიურპრიზსა და სიახლეს ჰპირდება მაყურებლებს და დროის ფაქტორის გამო, ფიზიკურად ვეღარ მოვახერხებდი ორივე საქმის კეთებას. ცუდად კეთება კი არც ერთ საქმეს არ მინდა ვაკადრო.

ბატონი რომან ფიფია გაგებით მოეკიდა ჩემს თხოვნას, უბრალოდ, იანვრის ბოლომდე, ყოველგვარი კონტრაქტის გარეშე, მთელი რიგი საკითხები, რომელიც ჩემ მიერ იყო წამოწყებული, ბოლომდე მივიყვანე და ჩვენი თანამშრომლობაც ამით დასრულდა. კონფლიქტი? თანამშრომლობა დასრულდა, მაგრამ მეგობრობა გრძელდება. ბატონმა რომან ფიფიამ იცის - რა წუთშიც დავჭირდები მას და "დინამოს", ყოველგვარი შეთანხმებისა თუ კონტრაქტის გარეშე მის გვერდით ვიქნები. წარმატებას ვუსურვებ ყველა დინამოელს! ვიყავი, ვარ და ვიქნები "დინამოს" გულშემატკივარი".

ყოველდღიური სპორტული გაზეთი "ლელო"
315
მკითხველის კომენტარები / 0 /
მსგავსი ამბები
რუბრიკის სხვა სიახლეები