სამბო: ოქროს მედლები ფავორიტებს ერგოთ

"ნიუ თბილისის" არენაზე დღეს 24 იანვარს დაიწყო და ხვალ დასრულდება საქართველოს 2018 წლის ეროვნული ჩემპიონატი სამბოში, რომელშიც ჩვენი ქვეყნის საუკეთესო სამბისტები იღებდნენ მონაწილეობას.

24 იანვარს 5 წონით კატეგორიაში გაირკვა საუკეთესოთა ვინაობა. საინტერესოა, რომ ხუთივე წონაში სხვადასხვა ქალაქის, თუ რაიონის წარმომადგენელმა სამბისტებმა იმარჯვეს. თუმცა ისიც ნიშანდობლივი გახლავთ, რომ ოქროს მედლები იმ სამბისტებმა მოიპოვეს, რომლებიც შეჯიბრებამდე ცალკეულ წონებში უპირველეს ფავორიტებად მოიაზრებოდნენ.

25 იანვარს კიდევ 4 წონაში იბრძოლებენ სპორტსმენები მედლებისათვის.

"ჩემპიონატზე ასპარეზობისგან თავისუფალი მხოლოდ თორნიკე ჭოველიძე და ზვიად ოდოშაშვილი იყვნენ ტრავმების გამო. სამწუხაროდ ორივე მათგანს მუხლზე უწევს ოპერაციის გაკეთება.

სხვა ყველა ის სამბისტი, რომლებიც საერთაშორისო არენაზე წლევანდელ მნიშვნელოვან შეჯიბრებებზე გამოსვლის პრეტენზია აქვთ ჭიდაობენ მიმდინარე საქართველოს ჩემპიონატს.

პირველმა დღემ სენსაციის გარეშე ჩაიარა, ხუთივე წონაში ფავორიტებმა იმარჯვეს და ამით უფრო მეტად გაიმყარეს ლიდერის პოზიციები ეროვნულ ნაკრებში" - გვითხრა პირველი საშეჯიბრო დღის შემდეგ საქართველოს ნაკრების მთავარმა მწვრთნელმა ჯონდო მუზაშვილმა.

კვარცხლბეკი
52 კგ.
1. გივი ნადარეიშვილი (ფოთი)
2. დიმიტრი მულაძე (ხაშური)
3. გიორგი მირუაშვილი (გორი)
3. ლევან ბერბერაშვილი (თიანეთი)

62 კგ.
1. ვახტანგ ჩიდრაშვილი (თელავი)
2. საბა გრიგალაშვილი (თბილისი)
3. ვახტანგ მეტივიშვილი (ხაშური)
3. ავთანდილ კუტალაძე (სამტრედია)

74 კგ.
1. ლევან ნახუცრიშვილი (მცხეთა)
2. ზვიად თევდორაშვილი (თბილისი)
3. კახა მამულაშვილი (კასპი)
3. გიორგი კანკავა (კასპი)

90 კგ.
1. პაატა ღვინიაშვილი (ქარელი)
2. ფრიდონ ზურაბიანი (მცხეთა)
3. ვახტანგ სარაჯიშვილი (ახმეტა)
3. ელგუჯა ქშუტაშვილი (ლაგოდეხი)

+100 კგ.
1. ბექა ბერძენიშვილი (კასპი)
2. რევაზ წულუკიძე (ბათუმი)
3. აკაკი კუთხაშვილი (გორი)
3. ამბროსი კონკროშვილი (თბილისი)

2345
მკითხველის კომენტარები / 0 /
მსგავსი ამბები
რუბრიკის სხვა სიახლეები
;