სამბო. საქართველოს ნაკრების შემადგენლობა ევროპის ჩემპიონატზე ცნობილია

18-20 მაისს ათენი სამბისტთა ევროპის ჩემპიონატს უმასპინძლებს, რომელშიც "ბებერი კონტინენტის" სხვა ქვეყნებთან ერთად მონაწილეობას საქართველოს ნაკრებიც მიიღებს - ვაჟებიც და ქალებიც.

ჩვენი გუნდი ძირითადად ძველი ლიდერებითაა დაკომპლექტებული, მხოლოდ ქალებშია რამდენიმე შედარებით ახალბედა. თუმცა მთავარ მწვრთნელ ჯონდო მუზაშვილს იქაც მიჰყავს ლიდერები - ნინო ოძელაშვილი და ელენე ქებაძე. ვაჟთა ნაკრებშიც იასპარეზებს მისი გამოკვეთილი ლიდერი, საქართველოს ყველა დროის საუკეთესო სამბისტი, მსოფლიოს ოთხგზის ჩემპიონი ვახტანგ ჩიდრაშვილი (57).

ჩვენმა ნაკრებმა ევროპის ჩემპიონატისთვის მოსამზადებელ ციკლში 3 სასწავლო-საწვრთნელი შეკრება გაიარა, ბოლო ეტაპი კი გორში იყო. გუნდი საბერძნეთში 17 მაისს გაფრინდება, აწონვა კი იმავე საღამოსაა.

საქართველოს ნაკრები

ვაჟები

52 კგ. გივი ნადარეიშვილი (ფოთი)
57 კგ. ვახტანგ ჩიდრაშვილი (თელავი)
62 კგ. გენადი ჩირგაძე (ქუთაისი)
68 კგ. მინდია ლილუაშვილი (ზესტაფონი)
74 კგ. ლევან ნახუცრიშვილი (მცხეთა)
82 კგ. ბესიკ ბერულავა (ზუგდიდი)
90 კგ. პაატა ღვინიაშვილი (ქარელი)
100 კგ. დავით ლორიაშვილი (მარტყოფი)
+100 კგ. ბექა ბერძენიშვილი (კასპი)

ქალები

60 კგ. სალომე აბაშიძე (ბათუმი)
64 კგ. ელისო სისაური (ახმეტა)
68 კგ. თეონა სუხიტაშვილი (ყვარელი)
72 კგ. ნინო ოძელაშვილი (წყნეთი)
80 კგ. ირინე ლეონიძე (ბათუმი)
+80 კგ. ელენე ქებაძე (ბათუმი)

1286
მკითხველის კომენტარები / 0 /
რუბრიკის სხვა სიახლეები