სამთო თხილამურები: სეზონის დებიუტი პას თურნში

საქართველოს სამთო მოთხილამურეთა ნაკრების წევრები - იასონ აბრამაშვილი, ალექსი ბენიაიძე და სოსო ჯაფარიძე კარგა ხანია, ახალი სეზონისთვის ავსტრიაში ემზადებიან.

დებიუტი ამავე ქვეყნის კურორტ პას თურნში ჰქონდათ. სლალომში ორდღიანი პაექრობისას სამივე ქართველმა მოსინჯა ძალები. სულ საპრიზო ადგილებისთვის თორმეტი ქვეყნის 132 წარმომადგენელი იბრძოდა.

პირველ დღეს ალექსი ბენიაიძემ ორი დაშვების ჯამში (1.27,19) 33-ე ადგილი დაიკავა. იასონ აბრამაშვილმა და სოსო ჯაფარიძემ დისტანცია ვერ ჩაამთავრეს. კვარცხლბეკის სამივე საფეხურზე ავსტრიელები - იოჰანეს სტროლზი (1.21,73), დომინიკ რაშნერი (1.22,02) და ტობიას ერლერი (1.27,19) ავიდნენ.

სტროლზმა (1.26,94) და რაშნერმა (1.28,14) გუშინაც იყოჩაღეს - შესაბამისად, პირველი-მეორე ადგილები გაინაწილეს. ჩვენებურთაგან სოსო ჯაფარიძე (1.34,11) 31-ე ადგილით დაკმაყოფილდა, ხოლო ბენიაიძე და აბრამაშვილი შეუფასებელნი დარჩნენ.

დღეს და ხვალ, ასევე, 2 დეკემბერს ქართველი მოთხილამურეები რაიტერალმში (ავსტრია) იასპარეზებენ.

ყოველდღიური სპორტული გაზეთი "ლელო"
1050
მკითხველის კომენტარები / 0 /
მსგავსი ამბები
რუბრიკის სხვა სიახლეები
;