სამი ქართველი ფალავანი მსოფლიოს U23 ჩემპიონატის ფინალშია!

ბუდაპეშტში მიმდინარე მსოფლიოს პირველობის პირველ დღეს საქართველოს ბერძნულ-რომაული სტილით მოჭიდავე 23-წლამდელა ნაკრების წევრები - ლევან ქავჟარაძე (63 კგ), გურამ ხეცურიანი (87) და ზვიად პატარიძე (130 კგ) ფინალში გავიდნენ და დღეს, შაბათს, ოქროს მედლებისთვის იბრძოლებენ, ხოლო დამამშვიდებელი ("რეპეშაჟი") წრიდან ბრინჯაოსთვის ბექა მამუკაშვილი (77 კგ) იჭიდავებს.

ქავჟარაძემ საფინალო გზაზე 4 მეტოქე ჩამოიცილა, ნახევარფინალში შესანიშნავად დაამარცხა რუსი ვალიტოვი და ფინალში ირანელ დალხანის შეხვდება. ფინალამდე სამ მეტოქეს მოუგო ხეცურიანმა, რომელთაგან აღსანიშნავია რუს მარგარიანთან გამარჯვება პირველივე წრეში, ფინალში ხეცურიანი უკრაინელ ნოვიკოვს შეერკინება.

პატარიძემ ფინალამდე სამი მეტოქე იოლად ჩამოიშორა. ქუთაისელი მძიმეწონოსანი ახალგაზრდებს შორის 6-გზის მსოფლიოს ჩემპიონია და დღეს მე-7 მსოფლიო ოქროს შეუტევს. მისი მეტოქე ირანელი იოსოფიაჰმადჩალი იქნება.

369
მკითხველის კომენტარები / 0 /
მსგავსი ამბები
რუბრიკის სხვა სიახლეები
;