სამტრედიამ ყარაგანდის შახტიორთან ვერაფერი გააწყო

"სამტრედია" თურქულ შეკრებას აგრძელებს. უჩა სოსიაშვილის გაწვრთნილებმა მორიგი ამხანაგური მატჩი ყარაგანდის "შახტიორთან" გამართეს.

ამ სპარინგზე ინფორმაცია მწირი იყო და ამიტომ, "სამტრედიას" ფეისბუქგვერდის გარდა, ყარაგანდელთა წყაროებსაც დავეყრდენით. ისინი კი ამტკიცებენ, რომ მატჩის დასაწყისი თანაბარ ბრძოლაში მიმდინარეობდა, მაგრამ მერე "შახტიორმა" მეტოქის დაცვას გასაღები მოუძებნა.

ანგარიში მე-16 წუთზე ყაზახთა სერბმა ლეგიონერმა მილან სტოიანოვიჩმა გახსნა. მეორე ტაიმი მაღალ ტემპში დაიწყო და მეტოქეები ერთმანეთს არაფერს უთმობდნენ. 57-ე წუთზე მეკარის საჯარიმოში მყოფმა სტოიანოვიჩმა დუბლი შეასრულა და საბოლოო ანგარიში დააფიქსირა - 2:0 "შახტიორის" სასარგებლოდ.

სამტრედია: მიგინეიშვილი, ახალაძე, ქარქუზაშვილი, ფატიჩი, ბაჩიაშვილი, განუგრავა, დაუშვილი, კირკიტაძე, გიი, ერისთავი, ოლაიტანი; შეცვლაზე: მიგინეიშვილი, ფატიჩი, ნდონგი, მანჯგალაძე, ჩაჩუა, მესიაჩენკო, კერძევაძე, ნინუა, ოლხოვი, გიორბელიძე, ხაჩიძე.

ყოველდღიური სპორტული გაზეთი "ლელო"
977
მკითხველის კომენტარები / 0 /
მსგავსი ამბები
რუბრიკის სხვა სიახლეები
;