"სამტრედია" განუგრავამ დატოვა, ლობჟანიძეს კონტრაქტი არ გაუწყვეტია

"სამტრედიაში" 11 იანვარს ჩარიცხული გიორგი განუგრავა ამ კლუბში ფეხბურთელი აღარ არის - ინფორმაცია ფეხბურთელმა დაადასტურა.

"იყო გარკვეული პრობლემები და კონტრაქტი ორმხრივი შეთანხმებით გაწყდა. საბოლოოდ, მე და ლობჟანიძე გუნდიდან წამოვედი" - ამბობს განუგრავა.

ინფორმაცია კლუბმაც დაადასტურა: "22 მარტს გიორგი განუგრავა "სამტრედიას" რიგებს ოფიციალურად გამოეთიშა. კლუბსა და ნახევარმცველს შორის ურთიერთშეთანხმების საფუძველზე, გიორგი განუგრავა "სამტრედიას" რიგებში აღარ ირიცხება".

არ დადასტურებულა ინფორმცია, თითქოს, "სამტრედიასთან" კონტრაქტი უჩა ლობჟანიძემაც გაწყვიტა. შევიტყვეთ, რომ საქართველოს ნაკრების მცველს (რომელიც კლუბს 14 თებერვალს შეუერთდა) კონტრაქტი არ გაუწყვეტია.

განუგრავამ მიზეზების დაკონკრეტება არ ისურვა და არც იმაზე ლაპარაკი ისურვა, თითქოს, მისი წასვლის მიზეზი კოტ-დივუარელ ინტერს გიისთან კონფლიქტი იყო. ახალი კლუბის ვინაობა კი გაგვიმხილა:

"რა მოხდა, ვის ვისთან რა შეემთხვა და რატომ წამოვედი, ამაზე ლაპარაკი უადგილოა. მთავარია, რომ ერთმანეთს ცივილიზებულად დავშორდით და "სამტრედიას" პერიოდი დასრულდა. ახალ კლუბში გადავედი და მასზე ვფიქრობ. რამდენიმე კლუბი დამიკავშირდა და საბოლოოდ, ბათუმის "დინამოში" გია გეგუჩაძესთან თამაში ვარჩიე".

1502
მკითხველის კომენტარები / 0 /
მსგავსი ამბები
რუბრიკის სხვა სიახლეები
;