სამხედროები რაგბის სამსახურში და ვარჯიში მუხროვანის სამხედრო ბაზაზე

საქართველოს ნაკრები იაპონიაში გასამართავი მსოფლიოს თასისთვის მზადებას განაგრძობს.

„ბორჯღალოსნებმა“ მუხროვანის სამხედრო ბაზაზე ივარჯიშეს, სადაც სამხედრო მოსამსახურეების დახმარებით და მათ მიერ შედგენილი პროგრამის მიხედვით ფიზიკური და ფსიქოლოგიური მზადება გაიარეს.

წვრთნები ძირითადად ისეთ კომპონენტებს შეიცავდა, რომლებიც სპორტსმენების სისწრაფის, ფიზიკური და ფსიქოლოგიური გამძლეობის უნარჩვევების გამოცდასა და მათ გაუმჯობესებასთან არის დაკავშირებული.

სპეციალური ოპერაციების ძალების ხელმძღვანელებისა და სამხედრო მოსამსახურეების თქმით, მათ ეროვნული ნაკრების მორაგბეების მიმართ მხარდაჭერა ამ ფორმითაც გამოხატეს. სამხედრო ბაზებზე მორაგბეთა გუნდების მსგავსი ვიზიტები სამხედრო-სამოქალაქო ურთიერთობის გაღრმავებასაც უწყობს ხელს.
დღეს, საქართველოს ნაკრები „შევარდენის სანაკრებო ბაზაზე“ 11 საათიდან ღია ვარჯიშს გამართავს.

ყოველდღიური სპორტული გაზეთი "ლელო"
467
მკითხველის კომენტარები / 0 /
მსგავსი ამბები
რუბრიკის სხვა სიახლეები
;