[სანაკრებო თემაზე] ახალი სისხლი და თამაშის გამწვავება. ზარანდიამ გაიტანა, ზივზივაძესაც გააქვს, მაგრამ ვაისი...

ლუკა ზარანდიამ სანაკრებო პაუზისას გამართულ ამხანაგურ შეხვედრაში გოლი გაიტანა. მისმა "ზულტე ვარეგემმა" "სერკლ ბრიუგესთან" ისპარინგა და 3:2 გაიმარჯვა.

22 წლის ქართველი თავდამსხმელი ძირითად შემადგენლობაში იყო და "რეგენბოგ სთედიუმზე" მეტოქის კარში მეორე გოლი გაიტანა. ეს პირველ ტაიმში მოხდა. 35-ე წუთზე ზარანდიამ მშვენივრად იმოქმედა ინდივიდუალურად და შეტევა ზუსტი დარტყმით დააგვირგვინა. ამას გარდა, მან შეუცვლელადაც ითამაშა.

ბოლოს ზარანდია საქართველოს ნაკრების სამატჩო განაცხადში 2018 წლის 18 ნოემბერს, ერთა ლიგის ბოლო ტურის მატჩში მოხვდა, როცა "ჯვაროსნებმა" თბილისში ყაზახეთს უმასპინძლეს და 2:1 დაამარცხეს. ის ამ მატჩში თავის შანსს ელოდა, მაგრამ... ვლადიმირ ვაისმა მოედანზე არ შეუშვა. ამის შემდეგ 23 წლის თავდამსხმელი ნაკრების თამაშებს სათადარიგოთა სკამიდანაც ვეღარ უყურებს...

საწყენია, რომ ნიჭიერი ახალგაზრდა მოთამაშე ენერგიას მხოლოდ საკლუბო დონეზე ხარჯავს. არ ვიცით, ისეთი რა დააშავა, ვაისი მხოლოდ გაფართოებულ სიაში რომ ასახელებს და ერთი წელია შეკრებაზე აღარ იძახებს.

მარტო ზარანდია არ არის ამ სიაში - ბუდუ ზივზივაძე, ბოლო დროს მშვენივრად ათამაშებული თავდამსხმელი, რომელმაც 11 მატჩში 6 გოლი გაიტანა და უნგრეთის ჩემპიონატის საუკეთესო მეგოლეებს შორის კონკურენტებს მესამე-მეხუთე ადგილებს უყოფს.

ყველა ფეხბურთელმა შეიძლება ჩააგდოს თამაში, აურიოს და თავი ვერ გამოიჩინოს. ცხადია, ასეთს მერე შანსს ნაკლებად აძლევენ. მეორე მხრივ, მთავარი მწვრთნელის პოზიციაც გასაგებია - მითია, თითქოს ვაისი თამაშებს არ უყურებს. პირველ რიგში მას სურს შემადგენლობა გაძლიერება და ოპტიმალურ დონემდე მიყვანა. ისიც გვესმის, რომ ერთა ლიგის ნახევარფინალამდე სლოვაკ სპეციალისტს ექსპერიმენტების ჩატარება კატეგორიულად არ უნდა.

მაგრამ ისიც აშკარაა, რომ "ჯვაროსნებს" შეტევაში ახალი "სისხლი" და თამაშის გამწვავება სჭირდებათ...

3484
მკითხველის კომენტარები / 2 /
თეიმურაზ რეხვიაშვილი
0
კვერკველია უვარჯიშებელი არ არის და სათამაშო გამოცდილება ისეთი აქვს რომ ათი თავით ჯობია სხვებს,სხვათა შორის გუშინ კოსოვოს ვუყურე და მათ ორ მეტრიანი ფორვარდი ჰყავთ რომელსაც დაუშვილი და ნავალოვსკი ვერ დაიჭერენ
თეიმურაზ რეხვიაშვილი
0
ვაისი ტყემალზე ზის............
მსგავსი ამბები
რუბრიკის სხვა სიახლეები
;