სანდრო ბაზაძემ რეიტინგის ფავორიტს სძლია და ბრინჯაო მოიპოვა

ქაიროში მოხმალავეთა მსოფლიოს გრან პრიზე წარმატებით იასპარეზა ქართველმა მოფარიკავემ, ევროპის ჩემპიონატების ორგზის მესამე პრიზიორმა სანდრო ბაზაძემ. მან ჯგუფში ზედიზედ ექვს მეტოქეს სძლია: ჯეი-სუნ იუნს (კორეა, 5:4), ექტორ ფლორენიას (მექსიკა, 5:3), იუსეფ მუსას (ეგვიპტე, 5:1), რიკარდო ნუჩოს (იტალია, 5:2), უილიამ დირის (დიდი ბრიტანეთი, 5:2), პაბლო ტროჩეზის (კოლუმბია, 5:3) და პლეი ოფში ქულათა მაქსიმალური რაოდენობით გავიდა.

იქ კი ზედიზედ ჩამოიშორა გზიდან სახელოვანი მუშკეტერები: ინდივიდუალურში 2017 წლის მსოფლიოს ჩემპიონი, გუნდურში მსგავსი შეჯიბრებების ორ-ორგზის ვერცხლისა და ბრინჯაოს პრიზიორი, ევროპის ჩემპიონატის მესამეადგილოსანი ანდრეას სატმარი (უნგრეთი, 15:8), კორეელი კიე-ჰვან კიმი - 15:13, შარშანდელი მსოფლიოს ჩემპიონატის ვერცხლისმედალოსანი, პანამერიკული თამაშებისა და ჩემპიონატების ორ-ორგზის გამარჯვებული, ამჟამინდელი მსოფლიოს კლასიფიკაციით  პირველ ადგილზე მყოფი ელი დერშვიცი (აშშ, 15:12) და ნახევარფინალში გავიდა.

მაგრამ სტადიაზე ინდივიდუალურში ლონდონისა და რიოს ოლიმპიადების ჩემპიონს, გუნდურში მსოფლიოს ჩემპიონატების ერთი ოქროს, 2 ვერცხლისა და 4 ბრინჯაოს მედლის მფლობელს, ევროპის პირველობების ერთი ოქროს, 2 ვერცხლისა და 3 ბრიჯაოს მედალოსანს, 29 წლის უნგრელ არონ სილადის სათანადო მეტოქეობა ვერ გაუწია - 5:15 დამარცხდა და ბრინჯაოს მედალს დასჯერდა.

917
მკითხველის კომენტარები / 0 /
მსგავსი ამბები
რუბრიკის სხვა სიახლეები
;