საპარკინგე სივრცე მოეწყო - ბათუმის სტადიონის გახსნა გვიახლოვდება

ბათუმის ახალი საფეხბურო სტადიონის მშენებლობა დასასრულს უახლოვდება - ამაზე ბოლო ცნობები მეტყველებს.
„1200 ავტომობილზე გათვლილი საპარკინგე სივრცის მოწყობა აქტიურად გრძელდება. ამავდროულად საჩრდილობლებისა და საზოგადოებრივი სივრცის მოწყობა დასრულდა" - წერია „შპს სტადიონის" გავრცელებულ ცნობაში.

„შპს სტადიონის" გვერდზე ბალახის საფარის მდგომარეობაზე გულშემატკივრის შეკითხვას უპასუხეს: „სტადიონზე მინდვრის საფარის არის უმაღლესი ხარისხის, ყველა სახის შემოწმება გაიარა და როგორც სხვა ნებისმიერ ცოცხალ ორგანიზმს, მასაც ამჟამად სავეგეტაციო პერიოდი აქვს“.

ჩანაფიქრის თანახმად, სტადიონი 20 ათას მაყურებელზე იქნება გათვლილი და უეფას მე-4 კატეგორიის სტანდარტები უნდა დააკმაყოფილოს, ანუ შესაძლებელი იქნება, რომ ბათუმში საერთაშორისო სანაკრებო და საკლუბო მატჩები გაიმართოს. მე-4 კატეგორიის სეთიფიკატის მინიჭებამდე კი, ბათუმის ახალ სტადიონს უეფას დელეგაცია შეამოწმებს.

4007
მკითხველის კომენტარები / 0 /
მსგავსი ამბები
რუბრიკის სხვა სიახლეები
;