სარაგბო ლეგიონი. სენსაცია და ტრაგედია ორიაკში

საფრანგეთის სარაგბო ჩემპიონატის გათამაშება ელიტურ, მეორე დივიზიონში მიმდინარე კვირის უქმეებზე დაიწყება. პირველდივიზიონელები კი, ბრძოლას მომდევნო კვირის ბოლოს დაიწყებენ. იქამდე გუნდები საწვრთნელ შეხვედრებს მართავენ და ძირითად საბრძოლო რაზმების შემადგენლობას არკვევენ.

პირველ დივიზიონში მომავალ გათამაშებაში ერთ-ერთი უმთავრესი ფავორიტი "მონპელიე" იქნება. მიხეილ ნარიაშვილის, კონსტანტინე მიქაუტაძის, ლევან ჩილაჩავას, უშანგი ჭეიშვილისა და გელა აფრასიძის გუნდმა შინ მეორედივიზიონელ "ბეზიეს" უმასპინძლა და 24:20 დაამარცხა. აღსანიშნავია, რომ მონპელიელებმა ორი გუნდით ითამაშეს და, ნარიაშვილის გარდა, რომელსაც ტრავმა აწუხებს, ყველა ქართველმა ითამაშა. აფრასიძემ კი, 49-ე წუთზე გატანილი ლელო გარდასახა.

სენსაციური გამარჯვება მოიპოვა ყველაზე ქართულმა ფრანგულმა კლუბმა "ორიაკმა". მერაბ შარიქაძის, გიორგი ჯავახიას, ლაშა ლომიძის, გიორგი ვეფხვაძისა და გიორგი ცუცქირიძის გუნდმა, რომელიც მეორე დივიზიონში ასპარეზობს, პირველდივიზიონელს, ლექსო ყაულაშვილისა და ბექა გორგაძის "ბორდოს" სძლია - 22:20.

გორგაძე ძირითად შემადგენლობაში იყო და 70-ე წუთზე შეცვალეს, "ორიაკის" ძირითად შემადგენლობაში იყო ცუცქირიძეც.

მატჩის მეორე დღეს "ორიაკის" სათადარიგო გუნდი, რომელშიც ბექა საღინაძე, ბექა კარკაძე და გიორგი გოგოლაძე ირიცხებიან ფედერალ 1 დივიზიონოს "როდეზს" ხვდებოდა. მატჩის მსვლელობისას ცუდად გახდა და ნახევარ საათში გუნდის გასახდელში გარდაიცვალა ჩვენებურთა თანაგუნდელი, 21 წლის მორაგბე ლუი ფაფროვსკი. მიზეზი გულის უკმარისობა დასხელდა.

საინტერესო მატჩი შედგა ტულონში. "სტად მაიოზე" ერთმანეთის პირისპირ მომავალი ჩემპიონატის ფავორიტები "ტულონი" და "კლერმონი" წარსდგნენ. დავით ზირაქაშვილის, ვიქტორ კოლელიშვილისა და ბექა კაკაბაძის "კლერმონმა" შარშან ძალიან ცუდად იასპარეზა და ჩემპიონის ტიტული დაკარგა. ცხადია, "ვულკანები" ის გუნდი არ არის კრიზისში დიდი ხნით დარჩეს. უნდა ვივარაუდოთ, რომ წლეულს სულ სხვა "კლერმონს" ვიხილავთ, რაც "ტულონთან" საწვრთნელმა მატჩმაც დაადასტურა. კლერმონელებმა მასპინძლები, რომელთა რიგებშიც მამუკა გორგოძეს და ბადრი ალხაზაშვილს არ უთამაშიათ 46:21 დაამარცხეს.

"კლერმონის" ძირითად შემადგენლობაში იყო დავით ზირაქაშვილი. აღსანიშნავია, რომ მარცხენა ბურჯის პოზიციაზე ასევე ძირთად შემადგენლობაში იყო გიორგი ბერია, რომელმაც წლეულს საფრანგეთის ახლაგაზრდულ ნაკრებში ითამაშა 20-წლამდელთა მსოფლიოს ჩემპიონატზე. კოლელიშვილი და კაკაბაძე განაცხადში არ იყვნენ.

1749
მკითხველის კომენტარები / 0 /
მსგავსი ამბები
რუბრიკის სხვა სიახლეები
;