სარაგბო ფესტივალი. შეიყვანეთ ბავშვები რაგბიზე

„ნუცუბიძის რაგბის სტადიონზე“ 10 წლამდე მორაგბეებს შორის 1 ივნისთან დაკავშირებით ფესტივალი გაიმართა, რომელშიც 15-მა გუნდმა მიიღო მონაწილეობა. 

ფესტივალს საქართველოს პრემიერ-მინისტრი მამუკა ბახტაძე მილტონ ჰეიგთან და „ბორჯღალოსნებთან“ ერთად დაესწრო და დამწყებ მორაგბეებს ბავშვთა დაცვის საერთაშორისო დღე მიულოცა.

მამუკა ბახტაძე, საქართველოს პრემიერ-მინისტრი: 
„ყველა ბავშვს და მშობელს დღევანდელ დღეს ვულოცავ. ბაზაზე, რომელიც რამდენიმე თვის წინ „ფონდ ქართუს“ დახმარებით გავხსენით, დღეს პატარა მორაგბეებს შევხვდი. ძალიან მიხარია, რაგბი სულ უფო პოპულარული რომ ხდება და მასში სულ უფრო მეტი ბავშვი ერთვება. მინდა მოვუწოდო მშობლებს, რომ მეტად იაქტიურონ და ბავშვები სპორტის სხვადასხვა სახეობაზე ატარონ. ცნობილია, რომ ჩვენი მორაგბეთა ეროვნული ნაკრები მსოფლიოს თასისთვის ემზადება და მინდა მათ წარმატება ვუსურვო.“

მერაბ შარიქაძე, საქართველოს ნაკრების კაპიტანი:
„ძალიან სასიამოვნო გარემოა. ამ ბავშვების ტოლი რომ ვიყავი, ასეთ კარგ მოედნებზე ვერც კი ვიოცნებებდი. ასეთი ფუფუნება რომ გვქონოდა, ალბათ, ქართული რაგბი დღეს კიდევ უფრო წინ იქნებოდა. ნათქვამია - ჯობს გვიან ვიდრე არასდროს. ბოლო წლებში არაერთი მოედანი აშენდა, რაც, დარწმუნებული ვარ, მომავალში ქართულ რაგბიზე ძალიან დიდ გავლენას იქონიებს. 

წლების წინ ამდენი გუნდი არ იყო და მოედნის ხარისხიდან გამომდინარე, მშობლებსაც არ ჰქონდათ ბავშვის რაგბიზე მიყვანის სურვილი. ახლა ისეთი გარემოა, რომ ყველა სიამოვნებას იღებს და მოვუწოდებ მშობლებს, ვისაც ეს ნაბიჯი ჯერ არ გადაუდგამს, მიიყვანონ ბავშვები რაგბიზე, რადგან ეს მათთვისაც სასარგებლო იქნება და ბავშვებისთვისაც.“

ყოველდღიური სპორტული გაზეთი "ლელო"
391
მკითხველის კომენტარები / 0 /
მსგავსი ამბები
რუბრიკის სხვა სიახლეები
;