სასამართლო მობრძანდება!.. ნეიმარი ბარსელონასგან 26 მილიონს ითხოვს, ბარსელონა კი ნეიმარისგან 75 მილიონს...

...არადა, ორიოდე დღის წინ აქტიურად განიხილებოდა "ბარსელონაში" ნეიმარის დაბრუნების საკითხი. საქმე იქამდეც კი იყო მისული, რომ "კამპ ნოუზე" პრეზენტაციის დღე და დაწყების დროც დაინიშნა...

მაგრამ გარიგება არ შედგა. ბოლო მომენტში მხარეები ვეღარ მივიდნენ ერთ წერტილში. ახლა კი საქმე ასეა - ორი დღის წინ თანამშრომლობისთვის რომ ემზადებოდნენ, ახლა მოემზადებიან... სასამართლოში შეხვედრისთვის, რომელიც 27 სექტემბერს ჩაინიშნა.

მოლაპარაკების ჩაშლამ გააცოცხლა ცნობილი საქმე, რომელიც სათავეს იღებს იმ დღიდან, რა დღესაც ნეიმარის პსჟ-ში გადასვლა გადაწყდა. ბრაზილიელი მეგავარსკვლავი დარწმუნებულია, რომ "ბარსელონამ" მას უნდა გადაუხადოს კიდევ 26 მილიონი (14 გასტუმრებული აქვს) იმ 40-მილიონიანი ბონუსიდან, რომელიც მას "ბარსასთან" ბოლო კონტრაქტის თანახმად ეკუთვნოდა, ეს კონტრაქტი კი ნეიმარმა კატალონიურ გრანდთან პარიზში გადაბარგებამდე რამდენიმე თვით ადრე გააფორმა.

თავის მხრივ, ნეიმართან პრეტენზიები აქვს "ბარსელონასაც", რომელიც მას საკონტრაქტო ვალდებულებების შეუსრულებლობას ედავება და 75 მილიონ ევროს სთხოვს.

მოკლედ ვნახოთ, როგორ განვითარდება მოვლენები და ვის რას დააკისრებს სასამართლო...

ყოველდღიური სპორტული გაზეთი "ლელო"
867
მკითხველის კომენტარები / 0 /
მსგავსი ამბები
რუბრიკის სხვა სიახლეები
;