სასიამოვნო სიახლე: ლიპარტელიანი მინსკში დაუშვეს

მინსკში, მეორე ევროპულ თამაშებზე ქალ ძიუდოისტთა შორისაც გვეყოლება ერთი მონაწილე - 52 კილოგრამში ეთერ ლიპარტელიანი იასპარეზებს. ამის შესახებ საქართველოს ძიუდოს ფედერაციას რამდენიმე საათის წინ აცნობეს ევროპული ფედერაციიდან.

ჩვენი ქალებიდან ამ თამაშებზე მოხვედრის ერთადერთი და ყველაზე რეალური შანსი ლიპარტელიანს ჰქონდა, ვისაც რეიტინგში მხოლოდ ერთი ადგილი აშორებდა ლიცენზიამდე. თუმცა ამ შემთხვევაში ჩვენ უფრო სხვებზე ვიყავით დამოკიდებული - იტყოდა თუ არა რომელიმე ქვეყანა კუთვნილ კვოტაზე ვადას.

ეროვნული ფედერაციებისთვის მიცემულ ვადაში ეს არავინ გააკეთა და როცა მონაწილეთა რეგისტრაციის ვადა დასრულდა, უსაგზუროდ დავრჩით, თუმცა, სავარაუდოდ, მომდევნო დღეებში რომელიღაც ქვეყანამ მაინც იუარა ამ წონაში გამოსვლა ან იქნებ მონაწილემ ტრავმა მიიღო. ასეა თუ ისე, ევროპის ძიუდოს კავშირმა ოფიციალურად გვაცნობა, რომ ეთერ ლიპარტელიანი ბაქოში იჭიდავებს.

შეგახსენებთ, რომ მეორე ევროპულ თამაშებს 22-30 ივნისს მინსკი უმასპინძლებს, ძიუდოისტები კი 22-25 ივნისს იასპარეზებენ. მათთან ეს შეჯიბრება ევროპის ჩემპიონატთანაა გათანაბრებული და სალიცენზიო ქულებსაც იძლევა. იქ ჩვენი ვაჟთა ნაკრები სრული გუნდით იქნება წარმოდგენილი.

884
მკითხველის კომენტარები / 0 /
მსგავსი ამბები
რუბრიკის სხვა სიახლეები
;