სატრანსფერო ციებ-ცხელება: ვინ მოჰყვება ერნანდესს,  პულიშიჩს, დე იონგს?..

სატრანსფერო ციებ-ცხელება თანდათან ძალას იკრებს. სანამ მნიშვნელოვანი გარიგებების დრო მოვა, უნდა გავიგოთ, როდის იხსნება სატრანსფერო ფანჯარა.

ინგლისში ის ღიაა მაისის შუიდან, თუმცა, ყველაზე პოპულარული თარიღია - 1 ივლისი. ამ დღეს, ოფიციალურად მოთამაშეების რეგისტრირება შესაძლებელი იქნება იტალიაში, ესპანეთსა და გერმანიაში. საფრანგეთი სატრასფერო ბაზარზე უფრო ადრე - 16 ივნისს შევა.

უფრო მნიშვნელოვანია - “დედლაინის” თარიღები. ამ დღეს, ტრადიციულად, ფორმდება ყველაზე მოულოდნელი და ხმაურიანი გარიგებები. მაშ ასე, სატრანსფერო ბაზარი 2 სექტემბერს დაიხურება იტალიაში, ესპანეთში, გერმანიასა და საფრანგეთში. 8 აგვისტოს - სეზონის სტარტამდე ორი დღით ადრე - ტრანსფერები შეწყდება ინგლისში. იტალიაში ეს მოხდება 23 აგვისტოს, პირდაპირ სერია A-ს დაწყების წინ.

უკვე შესრულებულია რამდენიმე ხმაურიანი ტრანსფერი:
ლუკას ერნანდესი - ატლეტიკოდან ბაიერნში - 80 მლნ ევრო; ფრენკი დე იონგი - აიაქსიდან ბარსელონაში - 75; კრისტიან პულიშიჩი - დორტმუნდიდან ჩელსიში - 64; ლუკა იოვიჩი - აინტრახტიდან რეალში - 60; ედერ მილიტაო - პორტუდან რეალში - 50; როდრიგო - სანტოსიდან რეალში - 45; თორგან აზარი - გლადბახიდან დორტმუნდში - 25.5; აარონ რემზი - არსენალიდან იუვენტუსში - უფასოდ; დიეგო გოდინი - ატლეტიკოდან ინტერში - უფასოდ.

ყოველდღიური სპორტული გაზეთი "ლელო"
491
მკითხველის კომენტარები / 0 /
მსგავსი ამბები
რუბრიკის სხვა სიახლეები
;