რწყილი მესი, რვაფეხა პოგბა და ციყვი სანჩესი... ფეხბურთელთა უჩვეულო მეტსახელები [PHOTO]

ალექსის სანჩესი - ციყვი

სანჩესის ამჟამინდელი, გავრცელებული მეტსახელია "ელ ნინო მარავილა", რაც "ვუნდერკინდს" ნიშნავს, მაგრამ, ალექსის მეორე ზედმეტსახელიც აქვს - "ლა არდილია", რაც ციყვია.

"მანჩესტერ იუნაიტედის" ჩილელ ვარსკვლავს ბავშვობაში ხეებზე ძრომა უყვრდა.

სებასტიან ჯოვინკო - ატომური ჭიანჭველა

"იუვენტუსის" ყოფილ ფეხბურთელს "ატომური ჭიანჭველა" მისი სიმაღლის (163 სმ), დინამიური შესაძლებლობებისა და მაღალი ტემპის ქონის გამო შეარქვეს.

ამჟამად, ჯოვინკო "ტორონტოს" რიგებში ირიცხება.

სერხიო აგუერო - კუნი

"მანჩესტერ სიტის" ფორვარდს წლების მანძილზე მაისურზე "კუნ" ეწერა, რასაც მის სახელთან და გვართან საერთო არაფერი აქვს.

არგენტინელს ბავშვობაში ბება-ბაბუა "კუნს" ეძახდა, რადგანაც სერხიო მისი საყვარელი, იაპონური მულტფილმის პერსონაჟს, კუმ-კუმს ჰგავდა.

"ამ ზედმეტსახელს ძალიან ვაფასებ, რადგანაც იგი უნიკალურია. ყოველ ათლეტს ზედმეტსახელად მულტფილმის პერსონაჟის სახლეს როდი ეძახიან," - ამბობს აგუერო.

ლიონელ მესი - რწყილი

"ლა პულგა" თითოეული მეტოქისათვის მეტისმეტად მავნეა...

პოლ პოგბა - რვაფეხა

"მანჩესტერ იუნაიტედის" ნახევარმცველმა ეს ზედმეტსახელი "იუვენტუსში" თამაშისას გრძელი კიდურების ქონის გამო დაიმსახურა. მისი მეორე მეტსახელი კი ჯოკერია.

ფილიპ ლამი - მაგიური ჯუჯა

170 სმ სიმაღლის ლეგენდარულ ფეხბურთელს უკაბელოსაც ეძახიან. არა, მას 4G შესაძლებლობები არ აქვს, უბრალოდ, ნებისმიერ პოზიციაზე შეეძლო თამაში.

ჰალკი - ჰალკი

ჟივანილდუ ვიეირა დე სოუზა - ეს სახელი საფეხბურთო სამყაროში სრულიად უცნობია, მაგრამ ჰალკი ცნობადი სახეა.

ბრაზილიელს ეს ზედმეტსახელი ლუ ფერინიოსთან მსგავსების გამო შეარქვეს, რომელმაც 70-იანების სატელევიზიო გადაცემაში "ჰალკის" როლი შეასრულა. მეტსახელს დე სოუზას აღნაგობაც უწყობს ხელს. ჰალკი უფრო მოკრივეს ან ბოდიბილდერს ჰგავს, ვიდრე ფეხბურთელს.

 

1896
მკითხველის კომენტარები / 0 /
რუბრიკის სხვა სიახლეები