საფრანგეთის თასის ფინალი: პსჟ ზედიზედ მეოთხედ [VIDEO]

ლერბიე-პსჟ 0:2
გოლები: 0:1 ლო სელსო (26), 0:1 კავანი (74-პენ)
მაყურებელი: 73 772

თასის ფინალს "სტად დე ფრანსზე" 74 ათასი ადამიანი დაესწრო, რაც დაახლოებით ხუთჯერ მეტია, დაბა ლერბიეში ცხოვრობთა რაოდენობაზე - "პარი სენ-ჟერმენმა" უნაი ემერის ხელმძღვანელობით უკანასკნელი ტიტული მოიგო და საფრანგეთში ტრიპლეტი (ლიგის თასი, ჩემპიონობა, თასი) შეასრულა.

"ლერბიემ" მისთვის გამოყოფილი ბილეთებიდან თითქმის იმდენი გაყიდა, რამდენიც ამ დაბის მოსახლეობაა.

უნდა ითქვას, რომ ამირან სანაიას ყოფილ გუნდს უნაი ემერიმ საბრძოლო შემადგენლობა დაუპირისპირა. არ იყვნენ მხოლოდ ტრავმირებულები, ნეიმარი და ვერატი. პსჟ-მ მძიმედ, მაგრამ უპრობლემოდ მოუგო სუსტ მეტოქეს - პირველ ტაიმში ლო სელსომ თავი შორეული დარტყმით გამოიჩინა, ხოლო მეორეში ედინსონ კავანიმ მისი წაქცევისთვის დანიშნული პენალტი გაიტანა - 2:0.

"ლერბიეს" ფინალში გასვლით სასწაული არ მოუხდენია, რადგან ყველაზე ძლიერი კლუბი, რომელიც გზიდან ჩამოიცილა, "ოსერია", რომელიც ლიგა 2-ში ცხრილის შუაშია გაჩხერილი, მას უბრალოდ, გაუმართლდა.

ასე რომ, თასის მფლობელის ვინაობა ლამის წინასწარვე იყო ცნობილი - პსჟ საფრანგეთში ყველას ერთი თავით სჯობს.

პსჟ-მ საფრანგეთის თასი ზედიზედ მეოთხედ მოიგო. რა თქმა უნდა, მესამე დივიზიონის აუტსაიდერთან ამის გაკეთება რთული არ ყოფილა. ბოლო ოთხ სეზონში პსჟ-მ ყველა შინაური ტიტული მესამედ მოიპოვა.

საინტერესო ფაქტი მოხდა თასის გადაცემის ცერემონიალზე, პსჟ-ს ფეხბურთელებმა თავისთან "ლერბიეს" ფეხბურთელებიც დაპატიჟეს და თასი მათთან ერთად იზეიმეს.

ფაქტები

* პსჟ საფრანგეთის თასს ზედიზედ მეოთხედ დაეუფლა.

* პსჟ-მ საფრანგეთის თასზე და ლიგის თასზე ბოლო 42 თამაში მოიგო.

* პსჟ ამ ტურნირებზე 2014 წლის იანვრის მეორე წაუგებლად ასპარეზობს.

* 42-დან 23 თამაში პარიზულმა გუნდმა საფრანგეთის თასზე მოიგო, 16 - ლიგის თასზე.

* თასის ფინალებში ედინსონ კავანიმ (პსჟ) 11 გოლი გაიტანა. ეს მან ჯამში 9 შეხვედრაში მოახერხა. 8 გოლი მან ლიგის თასის ფინალებში (5 ფინალი) გაიტანა, ხოლო 3 საფრანგეთის თასის ფინალებში (4 ფინალი).

* კევინ ტრაპი (პსჟ) პირველ ტაიმში ბურთს მხოლოდ 4-ჯერ შეეხო.

* ჯოვანი ლო სელსომ პსჟ-ს მაისურით ბოლო 6 თამაშში (ყველა შეჯიბრებაში) 4 გოლი გაიტანა, რაც 2 გოლით მეტია, ვიდრე მან წინა 46 შეხვედრაში ერთად გაიტანა.

* პსჟ-მ ძელს ბურთი 3-ჯერ გაარტყა, ხოლო "ლერბიემ" კარისკენ მხოლოდ 2-ჯერ დაარტყა.

* "ლერბიე" პირველი გუნდია ნასიონალ ლიგიდან (მესამე დივიზიონი) 2012 წლის მერე, რომელმაც ქვეყნის თასის ფინალში ითამაშა.

ყოველდღიური სპორტული გაზეთი "ლელო"
721
მკითხველის კომენტარები / 0 /
მსგავსი ამბები
რუბრიკის სხვა სიახლეები
;