საფრანგეთი-არგენტინა... ეს მატჩი ფინალსაც დაამშვენებდა - მბაპე და სხვები... [VIDEO]

საფრანგეთი - არგენტინა 4:3
30.06. ყაზანი. ყაზან არენა.
გოლები: 1:0 გრიზმანი (13, პენ), 1:1 დი მარია (41), 1:2 მერკადო (48), 2:2 პავარი (57), 3:2 მბაპე (64), 4:2 მბაპე (68), 4:3 აგერო (90)
საფრანგეთი (4-3-3): ლორისი - პავარი, ვარანი, უმტიტი, ერნანდესი - პოგბა, კანტე, მატუიდი (75. ტოლისო) - გრიზმანი (83. გრიზმანი), ჟირუ, მბაპე (89. ტოვენი)
მთავარი მწვრთნელი: დიდიე დეშამი
არგენტინა (4-3-3): არმანი - მერკადო, ოტამენდი, როხო (46. ფასიო), ტალიაფიკო - პერესი (66. აგერო), მასკერანო, ბანეგა - პავონი (75. მეზა), მესი, დი მარია
მთავარი მწვრთნელი: ხორხე სამპაოლი
გაფრთხილება: როხო (11), ტალიაფიკო (19), მასკერანო (43), ბანეგა (50), მატუიდი (72), პავარი (73), ოტამენდი (90), ჟირუ (90)
არბიტრი: ალირეზა ფაგანი (ირანი)

საფრანგეთის ნაკრები მსოფლიოს ჩემპიონატის მეოთხედფინალშია. "სამფეროვნებმა" ამას არგენტინის ნაკრების ძლევით მიაღწიეს. თამამად შეიძლება ითქვას, რომ ეს შეხვედრა მსოფლიოს ჩემპიონატის ფინალსაც კი დაამშვენებდა.

რით აჯობა დეშამმა სამპაოლის?

რა თქმა უნდა, არ შევუდგებით შეხვედრაში გასული ყველა გოლის აღწერას. მსოფლიოს ჩემპიონატი იმ ეტაპზეა, რომ ვისაც ფეხბუთი ოდნავ მაინც უყვარს, არაფერს ტოვებს, ყველაფერს ისრუტავს და იმახსოვრებს.

საფრანგეთმა მოიგო. გამოდის, რომ დიდიე დეშამმა აჯობა ხორხე სამპაოლის. ამ თამაშში მწვრთნელის სწორმა ქმედებამ გადამწყვეტი მნიშვნელობა იქობია. დეშამის ყველაზე ჭკვიანური ნაბიჯი ის იყო, რომ მან მაქსიმალურად ეფექტურად გამოიყენა თავისი ფორვარდების, მეტადრე კილიამ მბაპეს სისწრაფე.

დეშამი სწორად მიხვდა, რომ არგენტინელთა დაცვაში ძალიან ხშირად გამოჩნდებოდა ნაპრალები და კილიან მბაპეს - ანტუან გრიზმანის წყვილს სისწრაფეზე თამაში დაავალა. არგენტინელებმა მართლაც დატოვეს სივრცეები და მბაპემ კარიერის ერთ-ერთი საუკეთესო შეხვედრა ჩაატარა.

გმირი
ამ თამაშში ყველაფერი იყო, რაც ფეხბურთს ამშვენებს. იყო მართლაც რომ იდეალური გოლები. რაოდენ დიდი პატივი უნდა იყოს კილიან მბაპესათვის ის, რომ სწორედ "პარი სენ ჟერმენის" 19 წლის თინეიჯერი ვარსკვლავი შეიქმნა ამ დაუვიწყარი თამაშის გმირი

მბაპემ მართლაც რომ დიდებული თამაში ჩაატარა. გაიტანა ორი, ერთიმეორეზე უკეთესი გოლი და მოინაგრა პენალტი, ვინც ანტუან გრიზმანმა შეაგდო. თერთმეტმეტრიანს თამაშის ყველაზე დასამახსოვრებელი ეპიზოდი უძღოდა წინ:კილიანმა თავის საჯარიმოსთამ მოიგდო ბურთი და მეტოქის საჯარიმომდე იარა, სადაც წააქციეს.

ანტიგმირი
ცუდია, როცა მწვრთნელი საკუთარ თავს რაღაცას უმტკიცებს. არგენტინის ნაკრებმა ისე წააგო, რომ პაულო დიბალა და გონსალო იგუაინი თამაშში საერთოდ არ ჩართულან. როცა შენ გჭირდება გოლები და არ ტვითავ თანამედროვე მსოფლიოს ორ გამორჩეულ შემტევს, გინდა თუ არა, ანტიგმირი ხდები.

რა შეეძლო არგენტინას?
რა თქმა უნდა, არგენტინას შეეძლო მერვედფინალური ბარიერის გადალახვა შედარებით სუსტი მეტოქის ყოლის შემთხვევაში. ყველაფერში დამნასავენი თავად არიან: არ გაეშვათ პირველ ადგილზე ხორვატია და ერგებოდათ დანია, რომელსაც დიდი ალბათობით, გაივლიდნენ. საკითხავია, შეტევის ხაზში არგენტინა უკეთესია, თუ საფრანგეთი. დანარჩენ რგოლებში კი "სამფეროვნები" მეტოქეზე უკეთესები არიან. თანაც, დიდიე დეშამის კრებული უფრო ერთსულოვანია და გუნდურად მოთამაშე. მოკლედ, ყაზანში მოხდა ის, რაც უნდა მომხდარიყო - მოიგო უძლიერესმა.

1120
მკითხველის კომენტარები / 0 /
;