საქართველოს ნაკრების მეტოქე ექსპერიმენტებს აგრძელებს

ერთა ლიგის ნახევარფინალში ჩვენი რეალური მეტოქის, ბელარუსის ეროვნული ნაკრების მთავარმა მწვრთნელმა მიხაილ მარხელმა დაასახელა გაფართოებული შემადგენლობა გერმანიასა (საკვალიფიკაციო) და ჩერნოგორიასთან (ამხანაგური) მატჩებისთვის. მარხელის სიაში 31 ფეხბურთელია:

მეკარეები - ალიაკსანდრ ჰუტორი, პაველ პავლიუჩენკო (ორივე - დინამო ბრესტი), სერჰეი ჩერნიაკი, ანატოლი ჩიჩკანი (ორივე - ბატე), ერიკ ხაცკევიჩი (ისლოჩი);

მცველები - ალიაკსანდრ მარტინოვიჩი (კრასნოდარი, რუსეთი), დენის პოლიაკოვი (ურალი, რუსეთი), სერჰეი პალიცევიჩი (ქაირათი, ყაზახეთი), ალექს ვარაცილა, ალეკსანდრ პავლოვეცი (ორივე - დინამო ბრესტი), სერჰი მატვეიჩუკი (შახტიორი), ზახარ ვოლკოვი, დმიტრი ბესმერტნი (ორივე - ბატე), ნიკიტა ნაუმოვი (ჟეტისუ, ყაზახეთი), ნიკოლაი ზოლოტოვი (ვიტებსკი), მაკსიმ შვეცოვი (დინამო მინსკი);

ნახევარმცველები - სერჰეი კისლიაკი, პაველ ნეხაიჩიკი, პაველ სავიცკი (ყველა - დინამო ბრესტი), სტანისლავ დრაჰუნი, იგორ სტასევიჩი, ევგენი იაბლონსკი (ყველა - ბატე), იური კოვალიოვი, მაქს ებონგი (ორივე - შახტიორი), ივან მაევსკი (ასტანა, ყაზახეთი), ივან ბახარი, ევგენი შევჩენკო (ორივე - მინსკი), კირილ პიაჩენინი (ვიტებსკი);

თავდამსხმელები - დენის ლაპტევი (დინამო ბრესტი), მაქსიმ სკავიში (ბატე), ვიტალი ლასაკოვიჩი (ვარაჟდინი, ხორვატია).

საბოლოო შემადგენლობას მარხელი 11 ნოემბერს გამოაცხადებს. რა შეიძლება ითქვას ამ სიაზე? მიუხედავად იმისა, რომ ერთა ლიგის ნახევარფინალამდე ბევრი დრო აღარ არის დარჩენილი, ჩვენი მეტოქის სამწვრთნელო შტაბი განაგრძობს ექპერიმენტებს.

შეუიარეღებელი თვალითაც კი ცხადია, რომ გუნდს ყველაზე მეტად თავდასხმაში უჭირს, დაცვასა და ნახევარდაცვაში კი საქმე არც ისე ცუდადაა.

სანაკრებო სიაშია 20 წლის ნახევარმცველი მაქს ებონგი. მას კამერუნელი მამა და ბელარუსი დედა ჰყავს. მისმა მშობლებმა ერთმანეთი ვიტებსკის სამედიცინო უნივერსიტეტში გაიცნეს, სადაც ორივე სწავლობდა. ახლა ებონგის მამა მოსკოვში ცხოვრობს. მაქსი ამ დროისთვის სოლიგორსკის "შახტიორში" ჩვენებური ლაშა შინდაგორიძის თანაგუნდელია.

1442
მკითხველის კომენტარები / 1 /
Edit
0
ჩერნოგორია არის რუსულად, ქართულად - მონტენეგრო
მსგავსი ამბები
რუბრიკის სხვა სიახლეები
;