ეფექტური VIDEO: ნიღბიანმა შენგელიამ ბურთი კი არ ჩატენა, ჩალურსმა!

ესპანეთის პირველობაზე საქართველოს ნაკრების ორი წევრი დაუპირისპირდა ერთმანეთს - თორნიკე შენგელიას "ბასკონიამ" თად მაკფადენის "ხუვენტუდი" დაამარცხა - 87:81.

მატჩი ბასკეთში გაიმართა და სტუმართა უპირატესობით დაიწყო - კატალონიელებმა პირველი პერიოდი 17:11 მოიგეს, რის შემდეგაც ბასკები ძალიან კი ცდილობდნენ, მაგრამ ხელჩასაჭიდი უპირატესობა ვერ მოიპოვეს. ყველაფერი ბოლო პერიოდში გადაწყდა, რომელიც "ბასკონიამ" 25:19 მოიგო.

თორნიკე შენგელიას მონაგარი ასეთი იყო: 23 წუთში 6 ქულა, 5 მოხსნა, 1 პასი. თად მაკფადენმა მასპინძლებს პერიმეტრიდან შეუქმნა დიდი პრობლემები - 6-დან 4 სამქულიანი ჩააგდო და მატჩი 12 ქულით (1 მოხსნა, 2 პასი 18 წუთში) დაასულა.

შენგელიას გუნდს 27 მოგება, 7 წაგება აქვს და სატურნირო ცხრილში მე-2 ადგილზეა. ხოლო მაკფადენის "ხუვენტუდს" 17-17 მოგება-წაგება აქვს და პლეი ოფში მოხვედრისთვის კიდევ სამ გუნდთან ერთად იბრძვის.

2145
მკითხველის კომენტარები / 0 /
მსგავსი ამბები
რუბრიკის სხვა სიახლეები
;