საქართველოს ნაკრები ფიჯიზე გაემგზავრა - მეორედ წყნარ ოკეანეში...

საქართველოს ნაკრები ფიჯიზე გაემგზავრა, სადაც ივნისის ტესტებში ორ მატჩს გამართავს ტონგასა და ფიჯის ნაკრებებთან. მერე კი, იაპონიაში გადაინაცვლებს და "საკურებს" დაუპირისპირდება.

"ბორჯღალოსნების" ახალზელანდიელმა მთავარმა მწვრთნელმა მილტონ ჰეიგმა ტურნეში 32 მორაგბე იახლა. სხვადასხვა მიზეზის გამო, ივნისის ტესტებზე ნაკრებში არ ითამაშებენ მიხეილ ნარიაშვილი, დავით ქუბრიაშვილი (ორივე - მონპელიე), ანტონ ფეიქრიშვილი (კარდიფი), გიორგი თხილაიშვილი (ბათუმი), გიორგი ჩხაიძე (ნისი), ბექა გორგაძე (ბორდო), ბექა ბიწაძე (ნარბონი), მერაბ შარიქაძე (ორიაკი), გიორგი კოშაძე (ხარები), გელა აფრასიძე (მონპელიე) და მირიან მოდებაძე (აია).

საქართველოს ნაკრები ოკეანეთის ტურნეში მეორედ გაემგზავრა. პირველი ტურნე, რომელიც 2016 წლის ივნისში შედგა, ჩვენი გუნდისთვის წარმატებული აღმოჩნდა. აპიაში სამოასთან ფრედ დამთავრებული მატჩის შემდეგ - 19:19, "ბორჯღალოსნებმა" სუვაში ჯერ ტონგას სძლიეს - 23:20, ხოლო შემდეგ მასპინძელ ფიჯის მოუგეს - 14:3.

კუნძულებზე ორი წლის წინათ არ იმყოფებოდნენ და წლეულს ითამაშებენ: ბექა წიკლაური (ლოკომოტივი), სოსო მათიაშვილი (კრასნი იარი), ანზორ სიჭინავა (აკადემია), გიორგი კვესელაძე, რეზო ჯინჭველაშვილი (ორივე - არმაზი), ვასილ ლობჟანიძე (ბრივი), გიორგი თეთრაშვილი (აჟენი), გიორგი ჭყოიძე (ჯიქი), გიორგი მელიქიძე (სტად ფრანსე), ლევან ჩილაჩავა (ტულონი), კონსტანტინე მიქაუტაძე (მონპელიე), ვიქტორ კოლელიშვილი (კლერმონი), ოთარ გიორგაძე, გიორგი ცუცქირიძე (ორივე - ბრივი), მიხეილ გაჩეჩილაძე (ენისეი) და გურამ შენგელია (ჯიქი).

"ბორჯღალოსნები" უკვე ფიჯიზე არიან და მილტონ ჰეიგმა ადგილობრივ მედიასთან მოკლე კომენტარიც გააკეთა.

"აქაურობასთან კარგი მოგონებები გვაკავშირებს. ორი წლის წინათ, ივნისის ტესტებზე ფიჯის ვეთამაშეთ და 14:3 დავამარცხეთ. მოხარული ვართ, რომ ისევ აქ ვართ. ფიჯი მსოფლიოს თასზე ჩვენი მეტოქეა და მომავალი მატჩი ერთგვარი რეპეტიცია იქნება. ორი წლის წინანდელი შედეგის გამეორება ძალიან გაგვიჭირდება. ფიჯი ფიზიკურად ძლიერი, ხელდახელ კარგად მობურთავე გუნდია. თუმცა, ამ ტურნირისთვის ჩვენც კარგად მოვემზადეთ. ახლახან "ფრანგ ბარბაროსებს" ვეთამაშეთ და გუნდის პროგრესით კმაყოფილი ვარ" - თქვა საქართველოს ნაკრების თავკაცმა.

საქართველოს ნაკრები

პირველი ხაზი: ზურაბ ჟვანია, გიორგი მელიქიძე (ორივე - სტად ფრანსე), კარლენ ასიეშვილი (ბრივი), გიორგი თეთრაშვილი (აჟენი), შალვა მამუკაშვილი (ლოკომოტივი), ჯაბა ბრეგვაძე (სანვულვზი), გიორგი ჭყოიძე (ჯიქი), ლევან ჩილაჩავა (ტულონი), ირაკლი მირცხულავა (ოიონაქსი);

მეორე ხაზი: გიორგი ნემსაძე (ოსფრიზი), შალვა სუთიაშვილი (ანგულემი), კონსტანტინე მიქაუტაძე (მონპელიე), ნოდარ ჭეიშვილი (შამბერი);

მესამე ხაზი: გიორგი ცუცქირიძე (ორიაკი), მიხეილ გაჩეჩილაძე (ენისეი), ვიქტორ კოლელიშვილი (კლერმონი), ოთარ გიორგაძე (ბრივი), გურამ შენგელია (ჯიქი);

#9: ვასილ ლობჟანიძე (ბრივი), ვაჟა ხუციშვილი (ხარები), გიორგი ბეგაძე (ლოკომოტივი);

#10: ლაშა ხმალაძე (ბათუმი), რეზო ჯინჭველაშვილი (არმაზი);

#12-13: დავით კაჭარავა (ენისეი), თამაზ მჭედლიძე (აჟენი), ლაშა მალაღურაძე (კრასნი იარი), გიორგი კვესელაძე (არმაზი);

#11-14: ალექსანდრე თოდუა (ლელო), სოსო მათიაშვილი (კრასნი იარი), ანზორ სიჭინავა (აკადემია);

#15: მერაბ კვირიკაშვილი (ლელო), ბექა წიკლაური (ლოკომოტივი).

9 ივნისი
ტონგა-საქართველო

16 ივნისი
ფიჯი-საქართველო

23 ივნისი
იაპონია-საქართველო

ყოველდღიური სპორტული გაზეთი "ლელო"
1284
მკითხველის კომენტარები / 0 /
მსგავსი ამბები
რუბრიკის სხვა სიახლეები
;