საქართველოს რეკორდი თურქეთში - 1453

საქართველოს მშვილდოსან ქალთა ნაკრებმა წარმატებით იასპარეზა თურქეთში გამართულ გახრამან ბაგატირის მემორიალში, სადაც ჯერ იყო და საკვალიფიკაციო ეტაპზე საქართველოს ახალი რეკორდი დაამყარა - 1453 ქულა, მერე კი გუნდური პირველობაც მოიგო.

ჩვენი ქალთა ნაკრების სე,ადგენ,ლობაში ამჯერად ევროპისა და მსოფლიოს ვიცე-ჩემპიონი ქრისტინე ესებუა, ევროპის ორგზის ვიცე-ჩემპიონი ხათუნა ნარიმანიძე და მისი შვილი ციკო ფუტკარაძე შედიოდნენ. ამათგან პირად პირველობაში ყველაზე უკეთ ნარიმანიძე გამოვიდა, ვინც 657 ქულა დააგროვა და მესამე იყო, ჩამორჩა მხოლოდ უნგრელ ლიზა უნრუშს (662) და რუს სვეტლანა გომბოევას (658). ესებუამ 655 ქულა დააგროვა, რაც მეოთხე შედეგი აღმოჩნდა, ფუტკარაძე კი 631-ით მე-14 იყო.

პლეი ოფის შემდეგ პირველი-მეორე ადგილი უცვლელი დარჩა - ჩემპიონი უნგრელი გახდა, რუსი კი მეორეს დასჯერდა. სამაგიეროდ, ჩვენებმა გაცვალეს ადგილები - მესამეზე ესებუა გადავიდა, ნარიმანიძე კი მეექვსე აღმოჩნდა. წინ წაიწია ფუტკარაძემ, ვინც მეცხრეზე დარჩა.
გუნდურ ტურნირში ჩვენმა ნაკრებმა ფინალში ბრიტანეთი დაამარცხა, მესამეზე კი ბელარუსი გავიდა.

ჩვენები ასევე გამოვიდნენ შერეულ წყვილებში, სადაც ნარიმანიძემ და ზურაბ მესტვირიშვილმა იასპარეზეს. ეს დუეტი მეოთხე ადგილზე გავიდა.

1052
მკითხველის კომენტარები / 0 /
მსგავსი ამბები
რუბრიკის სხვა სიახლეები
;