საქართველოს ჩემპიონატი. ბოლო წუთის სინდრომი

საქართველოს ჩემპიონატის მეხუთე ტური უწინდელებზე გაცილებით დაძაბული გამოდგა. ხუთი მატჩიდან ერთი ფრედ დასრულდა. გამარჯვებულებმა ორ მატჩში ორი ქულით, ხოლო ერთში კი სამი ქულით მეტი დააგროვეს. 

ლელო-ბათუმი 7:9
ლელო: ლ - კვირიკაშვილი. გ - ყიასაშვილი
ბათუმი: 3ს - ურჯუკაშვილი 
მსაჯი: სულხან ჩიხლაძე

ქვეყნის მოქმედი ჩემპიონი „ბათუმი“ და მასპინძელი „ლელო“ ამ მატჩამდე სატურნირო ცხრილში მეზობლები იყვნენ. ლელოელებმა პირველი ნახევარი უკეთ ჩაატარეს და ჯერ კიდევ მე-10 წუთზე მერაბ კვირიკაშვილის ლელოთი დაწინაურდნენ, რომელიც ირაკლი ყიასაშვილმა გარდასახა - 7:0.

ბათუმელებმა საჯარიმოთი პირველივე ტაიმში შეძლეს ანგარიშის ოთხ ქულამდე შემცირება. ბექა ურჯუკაშვილმა შესვენების შემდეგაც ორჯერ ზუსტად დაარტყა. ბოლო, გამარჯების მომტანი საჯარიმო კი მან სულაც დასკვნით წამებზე გაიტანა და რადგან „ლელომ“ იქამდე მონაგარი ვერაფრით გაზარდა, თავისიანებს მოაგებინა - 9:7. 

აია-ხარები 10:13
აია: ლ - აბრამიძე. გ,ს - ბაბუნაშვილი
სინბინი: წიკლაური 
ხარები: ლ - ქვლივიძე. გ - პეტრიაშვილი. 2ს - ხუციშვილი
მსაჯი: შოთა თევზაძე 

გათამაშების ლიდერმა ქუთაისის „აიამ“ მიმდინარე გათამაშებაში პირველად წააგო. ქუთათურებმა უახლოესი მდევარი, რუსთავის „ხარები“ საკუთარ მოედანზე მიიღეს და 10:13 წააგეს. აღსანიშნავია, რომ „აია“ მატჩის ბოლო წუთამდე 10:6 იგებდა. ისევე როგორც „ლელოსა“ და „ბათუმის“ დაპირისპირებაში, გამარჯვება სტუმრებმა აქაც ბოლო წუთზე გამოჭედეს. ლელო რუსთაველთა მესამეხაზელმა გიგა ქვლივიძემ მიითვალა. გიორგი პეტრიაშვილმა გარდასახა - 13:10. 

ლოკომოტივი-არმაზი 18:18 
ლოკომოტივი: 2ლ - ჯავახიშვილი, წივწივაძე. 2ს,გ - ჯავახიშვილი. 
სინბინი: ჩიტიძე, ქვათაძე, დარასელია
არმაზი: 2ლ - კალმახელიძე, ნავროზაშვილი. 2ს - ნიკოლავა, ცინცაძე. გ - ნიკოლავა. 
სინბინი: დვალიშვილი, ბარბაქაძე
მსაჯი: თორნიკე გვირჯიშვილი 

თბილისის „ლოკომოტივი“ და მარნეულის „არმაზი“ სატურნირო ცხრილის მეორე ნახევარში იმყოფებიან. როგორც მოსალოდნელი იყო, თამაში უშეღავათო ბრძოლაში წარიმართა, რის დასტურადაც მატჩის არბიტრის მიერ ხუთჯერ ნაჩვენები ყვითელი ბარათიც გამოდგება. მატჩი თითქმის ქულა-ქულაში მიდიოდა და მეტოქეები საგრძნობლად დაწინაურებას ვერ ახერხებდნენ. მატჩის ბედი ამ მატჩშიც ბოლო წუთზე გადაწყდა.

არმაზელებმა, რომლებიც 13:18 აგებდნენ, რკინიგზელებს ხუთწუთიანი შტურმი მოუწყვეს და ბოლოს გარემარბმა გიორგი ნავროზაშვიმა კიდესთან ახლოს ლელო გაიტანა. გივი ცინცაძეს გარდასახვიდან გამარჯვების მოტანაც შეეძლო, მაგრამ არაზუსტად დაარტყა - 18:18 და გუნდებმა ორ-ორი ქულა მიითვალეს. 

აკადემია-იუნკერები 8:6
აკადემია: ლ - ფესვიანიძე. ს - მოძღვრიშვილი 
იუნკერები: 2ს - ხარაზიშვილი. 
სინბინი: სირაძე
მსაჯი: ნიკა ამაშუკელი 

მეოთხე გამარჯვება მოიპოვა და ლიდერთა სამეულში დამკვიდრდა თბილისის „აკადემია“. ამჯერად, აკადემიელთა მეტოქე გათამაშების დებიუტანტი კიკეთის „იუნკერები“ იყო. ანგარიშიც კარგად მეტყველებს, რაოდენ დაძაბული შეიძლება ყოფილიყო ამ გუნდების შეხვედრა. „აკადემიას“ თითო ლელოსა და საჯარიმოს მეტოქემ მხოლოდ ორი საჯარიმოთი უპასუხა. თუკი აკადემიელებმა მეოთხე გამარჯვება მიითვალეს, „იუნკერებმა მეოთხე სანუგეშო საპრემიო ქულა აიღეს. 

ჯიქი-ყოჩები 25:14
ჯიქი: 3ლ - ჭავჭავაძე, ხანთაძე, მარჯანიშვილი. 2ს,2გ - წიკლაური. 
ყოჩები: ლ - ტატულაშვილი. 3ს - სოხაძე
სინბინი: მიმინოშვილი, გოგოლაშვილი 
მსაჯი: საბა აბულაშვილი 

„ყოჩებმა“ მასპინძლებს პირველი ტაიმი 14:3 მოუგეს. თუმცა, შესვენების შემდეგ მთელი უპირატესობა გაანიავეს. მეტიც, „ჯიქმა“ მეორე ნახევარში ბევრად უკეთ ითამაშა, სამი ლელო გაიტანა და მეტოქე 11-ქულიანი სხვაობით დაამარცხა. აღსანიშნავია, რომ გორელებმა გარდატეხა თამაშში მატჩის დასკვნით 20 წუთში შეიტანეს. „ყოჩებმა“ კი მონაგარს 27-ე წუთის მერე ვერაფერი შესძინეს. ბოლნისელები ამ დროისთვის 14:0 იგებდნენ. 

თ მ ფ წ ბ ქ(ს)
1. აია 5 4 0 1 +75 19(3)
2. ხარები 5 4 0 1 +43 18(2)
3. აკადემია 5 4 0 1 +22 17(1)
4. ბათუმი 5 3 1 1 +29 16(2)
5. ლელო 5 2 0 3 +32 12(4) 
6. ჯიქი 5 2 0 3 -44 9(1)
7. იუნკერები 5 1 0 4 -5 8(4)
8. ყოჩები 5 1 1 3 -31 7(1) 
9. არმაზი 5 1 1 3 -30 7(1)
10. ლოკომოტივი 5 1 1 3 -92 6(0) 

VI ტური 

25-27 ოქტომბერი
იუნკერები-არმაზი 
ხარები-ლოკომოტივი
ბათუმი-აია
ყოჩები-ლელო
აკადემია-ჯიქი 

ყოველდღიური სპორტული გაზეთი "ლელო"
234
მკითხველის კომენტარები / 0 /
მსგავსი ამბები
რუბრიკის სხვა სიახლეები
;