საქართველოს ჩემპიონატი 13 სექტემბერს დაიწყება, 30 პროცენტი ნაკრების წევრია

საქართველოს ჩემპიონატი წლეულს უჩვეულოდ გვიან, 13 სექტემბერს დაიწყება. მიზეზი ცნობილია: ჩვენი ეროვნული გუნდი იაპონიაში მსოფლიოს თასზე იასპარეზებს. ნაკრების თითქმის 30 პროცენტი კი ეროვნულ ჩემპიონატში მოთამაშე მორაგბეები არიან. 

სანამ გუნდებში მორაგბეთა მიგრაციის ზუსტ სურათს დავადგენდეთ, საინტერესოა უმაღლესი ლიგის გუნდებში მწვრთნელთა შტაბში განხორციელებული ცვლილებები.

აღსანიშნავია, რომ 10 გუნდიდან ექვსს ყოფილი „ბორჯღალოსანი“, იმ თაობის წარმომადგენლები წვრთნიან, რომლებმაც საფრანგეთში პირველად „გაჭრეს ფანჯარა“. იქ გამოცდილება მიღებული და კვალიფიკაცია ამაღლებულნი კი სამშობლოში დაბრუნდნენ. 

ასე მაგალითად. გორის „ჯიქს“ ამიერიდან ზაზა ლეჟავა გაწვრთნის, რომელიც ამავდროულად საქართველოს შვიდკაცა რაგბის ნაკრების მწვრთნელიცაა. ამავე ნაკრების ერთ-ერთი მწვრთნელია ბესიკ ხამაშურიძეც, რომელიც ბოლო ორი სეზონის განმავლობაში ქუთაისის „აიას“ გუნდის უფროსი იყო. ამჯერად კი ისევ მთავარი მწვრთნელის ფუნქციას შეასრულებს. 

მარნეულის „არმაზმა“ გასულ სეზონში თავის ისტორიაში საუკეთესო შედეგი აჩვენა, ბრინჯაოს მედლის მფლობელი გახდა, რაც სხვებთან ერთად, მისი მთავარი მწვრთნელის, საქართველოს ნაკრების ყოფილი გარემარბის ირაკლი მაჩხანელის დამსახურებაა. 

„ბათუმის“ ბოლოდროინდელი პროგრესი და წარმატებები თვალსაჩინოა. აქ ერთბაშად ორი „სენადალეული“ მუშაობს - შერკინების ყოფილი ბურჯი ირაკლი ნინიძე მთავარი მწვრთნელია, „ბორჯღალოსნების“ ყოფილი შუამარბი ირაკლი გიორგაძე კი, მისი ასისტენტია. 

საფრანგეთიდან საკმაოდ წარმატებული სამწვრთნელო კარიერის შემდეგ მშობლიურ კლუბს დაუბრუნდა საქართველოს ნაკრების ყოფილი მეორეხაზელი ვიქტორ დიდებულიძე. ის ამიერიდან უმაღლეს ლიგაში დაბრუნებულ ბოლნისის „ყოჩებს“ უთავკაცებს. დიდებულიძე დიდი ხნის განმავლობაში პარიზის გარეუბნის გუნდის, „მასის“ მწვრთნელი იყო. 

კიკეთის „იუნკრები“ უმაღლესი ლიგის დებიუტანტია. ამ გუნდს ორი მთავარი მწვრთნელი ეყოლება. ერთ-ერთი „ბორჯღალოსნების“ ყოფილი დამრტყმელი პალიკო ჯიმშელაძეა, რომელმაც ქართულ კლუბებში უკვე ნაყოფიერად იმუშავა და „იუნკრებს“ უძლიერესთა შორის დარჩენაში დაეხმარება. ამ გუნდის მეორე მთავარი მწვრთნელი გიორგი ზაბახიძეა. 

სამწვრთნელო კარიერა დაასრულა ქართველ მწვრთნელთაგან უხუცესმა თემურ ბენდიაშვილმა. ყველაზე ტიტულოვან ქართულ კლუბს, თბილისის „ლოკომოტივს“ ამიერიდან მისი გაზრდილი დავით ჩავლეიშვილი გაწვრთნის, რომელიც ამავდროულად საქართველოს 18-წლამდელთა ნაკრების მთავარი მწვრთნელია. ბენდიაშვილი კი „ლოკომოტივის“ პრეზიდენტის პოსტს დაიკავებს. 

უმაღლესი ლიგა

I წრე

I ტური, 13-15 სექტემბერი
იუნკერები-ბათუმი
ყოჩები-ხარები
აკადემია-არმაზი
ჯიქი-ლოკომოტივი
ლელო-აია

II ტური, 20-22 სექტემბერი
იუნკერები-აია
ლოკომოტივი-ლელო
არმაზი-ჯიქი
ხარები-აკადემია
ბათუმი-ყოჩები

III ტური, 27-29 სექტემბერი 
ყოჩები-იუნკერები
აია-ლოკომოტივი
ლელო-არმაზი
ჯიქი-ხარები
აკადემია-ბათუმი

IV ტური, 4-6 ოქტომბერი
იუნკერები-ლოკომოტივი
არმაზი-აია
ხარები-ლელო
ბათუმი-ჯიქი
ყოჩები-აკადემია

V ტური, 18-20 ოქტომბერი
აკადემია-იუნკერები
ლოკომოტივი-არმაზი
აია-ხარები
ლელო-ბათუმი
ჯიქი-ყოჩები

VI ტური, 25-27 ოქტომბერი
იუნკერები-არმაზი
ხარები-ლოკომოტივი
ბათუმი-აია
ყოჩები-ლელო
აკადემია-ჯიქი

VII ტური, 1-3 ნოემბერი 
ჯიქი-იუნკერები
არმაზი-ხარები
ლოკომოტივი-ბათუმი
აია-ყოჩები
ლელო-აკადემია

VIII ტური, 15-17 ნოემბერი
იუნკერები-ხარები
ბათუმი-არმაზი
ყოჩები-ლოკომოტივი
აკადემია-აია
ჯიქი-ლელო

IX ტური, 22-24 ნოემბერი 
ლელო-იუნკერები
ხარები-ბათუმი
არმაზი-ყოჩები
ლოკომოტივი-აკადემია
აია-ჯიქი

ყოველდღიური სპორტული გაზეთი "ლელო"
319
მკითხველის კომენტარები / 0 /
მსგავსი ამბები
რუბრიკის სხვა სიახლეები
;