საქართველოს ძიუდოისტთა ნაკრების ყოფილი მთავარი მწვრთნელი 5 წლით ციხეში!

საქართველოს ძიუდოისტთა ნაკრების ყოფილ მთავარ მწვრთნელს, ავსტრიელ პეტერ ზაიზენბახერს ვენის სასამართლომ 5 წლით ვადით თავისუფლების აღკვეთა მიუსაჯა. ამის მიზეზი 1999-დან 2004 წლამდე ჩადენილი დანაშაულები გახდა.

ზაიზენბახერმა, ავსტრიის მთავარი პროკურორის ოფისის მიხედვით, გარყვნილი ქმედებები 9 და 13 წლის გოგონების მიმართ ჩაიდინა, რომლებსაც ის წვრთნიდა. ასევე, მესამე გოგონას გაუპატიურება მაშინ სცადა, როცა ის 16 წლის იყო.

ორგზის ოლიმპიური ჩემპიონი მუდმივად უარყოფდა აღნიშნულ ბრალდებებს და მათ გამოგონილ ამბებს უწოდებდა.

პეტერ ზაიზენბახერი საქართველოს ძიუდოისტთა ნაკრებს 2010 დან 2012 წლამდე წვრთნიდა. ამის შემდეგ კარიერა აზერბაიჯანის ძიუდოისტთა ნაკრების მთავარ მწვრთნელად განაგრძო.

www.interpressnews.ge

2524
მკითხველის კომენტარები / 0 /
მსგავსი ამბები
რუბრიკის სხვა სიახლეები
;