საქართველოს 17-წლამდელთა ნაკრები ევროშესარჩევისთვის შეკრებას დღეიდან იწყებს

24-30 ოქტომბერს საქართველოს 17-წლამდელთა ნაკრები ევროპის ჩემპიონატის შესარჩევ ციკლს ჩაატარებს. გიორგი ნემსაძის გუნდი თბილისში იტალიის, ჩერნოგორიისა და ლატვიის 17-წლამდელთა გუნდებს უმასპინძლებს.

ქართველი ჭაბუკები ტურნირისწინა ბოლო, დასკვნით შეკრებას დღეიდან დაიწყებენ. მწვრთნელმა 23 ფეხბურთელი შეარჩია:

მეკარეები: ლუკა კუტალაძე (დინამო თბ), მამუკა ბახტაძე (საბურთალო), ლუკა ხარშილაძე (დინამო თბ);

მცველები: ცოტნე კაპანაძე (საბურთალო), დავით სამსონია (საბურთალო), ირაკლი აზაროვი (დინამო თბ), გიორგი აბზიანიძე (ტორპედო), ანზორ მექვაბიშვილი (დინამო თბ), ზურაბ ჭავჭანიძე (დინამო თბ), ზურაბ ბაქრაძე (ლოკომოტივი), ივა გელაშვილი (სპარტა, ჩეხეთი);

ნახევარმცველები: გიორგი ლომთაძე (დინამო თბ), გიორგი შალიკაშვილი (სფფ აკადემია), გიორგი გაგუა (იბერია 2010), ცოტნე ჩოთალიშვილი (საბურთალო), შოთა ნონიკაშვილი (საბურთალო), ლუკა-სებასტიან შვარცი (კარლსრუე, გერმანია), დავით ლორთქიფანიძე (ატალანტა, იტალია), გიორგი მოისწრაფიშვილი (დინამო თბ);

თავდამსხმელები: ზურაბ დავითაშვილი (დინამო თბ), ელგუჯა ჯანგველაძე (დინამო თბ), ხვიჩა კვარაცხელია (დინამო თბ), გიორგი გულიაშვილი (საბურთალო).

24 ოქტომბერს, ევროპის ჩემპიონატის შესარჩევი ეტაპის პირველ მატჩში, საქართველო ლატვიას მიხეილ მესხის სახელობის სტადიონზე უმასპინძლებს. 27-ში ნემსაძის გუნდი ჩერნოგორიას შეხვდება, ხოლო 30 ოქტომბერს - იტალიას. ელიტრაუნდის საგზურს ორი საუკეთესო გუნდი დაიბევებს.

ყოველდღიური სპორტული გაზეთი "ლელო"

1627
მკითხველის კომენტარები / 0 /
მსგავსი ამბები
რუბრიკის სხვა სიახლეები