საქართველოს 7-კაცა რაგბის ნაკრები ზიმბაბვეშია

საქართველოს 7-კაცა ნაკრები საწვრთნელ შეკრებაზე აფრიკაში იმყოფება. ჩვენმა გუნდმა ერთი კვირა სამხრეთ აფრიკაში დაყო, სადაც რამდენიმე საწვრთნელი მატჩი გამართა ადგილობრივ კლუბებთან.

სამხრეთ აფრიკიდან შვიდკაცა „ბორჯღალოსნები“ ზიმბაბვეში გაემგზავრნენ, სადაც 10-გუნდიან საერთაშორისო ტურნირში მიიღებენ მონაწილეობას.
ჯგუფურ ეტაპზე ჩვენი გუნდი ოთხ შეხვედრას გამართავს. მეტოქეები ზიმბაბვეს მეორე, განვითარებადი ნაკრები, ზიმბაბვეს „მბარე აკადემია“, მალავის და უგანდის ეროვნული ნაკრებები იქნებიან.

მეორე ჯგუფში ზიმბაბვეს, ზამბიას, ლესოტოს ნაკრებები და „შტეელერსი“ ითამაშებენ.

„სავარჯიშოდ ძალიან კარგი მოედანი გვაქვს. ზიმბაბვისა და უგანდას ნაკრებები მსოფლიო სერიის შესარჩევი, ჰონკონგის ეტაპისთვის ემზადებიან, კარგი გუნდები ჰყავთ და საინტერესო მოსამზადებელი ტურნირი გველოდება“ - თქვა საქართველოს შვიდკაცა რაგბის ნაკრების მწვრთნელმა ზაზა ლეჟავამ რაგბის კავშირის ოფიციალურ ვებ გვერდთან საუბრისას.

საქართველოს ნაკრები
ნიკოლოზ გიგაური (არმაზი), ირაკლი სვანიძე (ჯიქი), გიორგი ჭუაძე (აკადემია), ივანე ხელაია (ლოკომოტივი), რამაზ ხარაზიშვილი (იუნკერები), ნიკო აფციაური (ლელო), ლადო მიმინოშვილი (ბათუმი), ილია სპანდერაშვილი (არმაზი), ბონდო ლომიძე (იუნკერები), დიმიტრი კალანდაძე (ჯიქი), დავით თაბუკაშვილი (ხარები), იაგო ხაბულიანი (აია), გიორგი აბრამიძე (აია), ნიკა სუხაშვილი (ჯიქი).

ყოველდღიური სპორტული გაზეთი "ლელო"
555
მკითხველის კომენტარები / 0 /
მსგავსი ამბები
რუბრიკის სხვა სიახლეები
;