საქართველოს XV: ხამაშურიძემ სარუსეთოდ 24 მორაგბე გამოიძახა

16 მარტს საქართველოს XV კრასნოდარში რუსეთის A ნაკრებს დაუპირისპირდება. მთავარმა მწვრთნელმა ბესიკ ხამაშურიძემ ამ მატჩისთვის შეკრებაზე 24 მორაგბეს უხმო და გუნდი მარტყოფის ბაზაზე მზადებას შეუდგა.

ბესიკ ხამაშურიძე, საქართველო XV-ის მთავარი მწვრთნელი:
„ეს გუნდი „ბარბაროსების“ ქართული ანალოგია და მისი მიზანი მოთამაშეებმა რაც შეიძლება მეტი გამოცდილება მიიღონ. ეს კი შემდგომში ჩვენი ჩემპიონატის დონის ზრდას განაპირობებს. შარშან, „ზაფხულის თასზე“ მოთამაშეთა ერთი ბირთვი გვყავდა გამოძახებული, ახლა სხვა მორაგბეებს დავუძახეთ და შესაძლოა, ინგლისის საგრაფოებთან თამაშისთვის, რომელიც ივნისში გაიმართება, სხვა მორაგბეებს ვუხმოთ.

მცირე დროის მოუხედავად, ვეცდებით, სათანადოდ მოვემზადოთ და რუსეთის A ნაკრები დავამარცხოთ. მეტოქის შესახებ ინფორმაცია არ გვაქვს. თუმცა, ვფიქრობ, საქართველოს ჩემპიონატის მორაგბეები ტექნიკურად უკეთ იქნებიან მომზადებული და მეტოქის დამარცხებას სწრაფი, ხელდახელ თამაშით შევეცდებით“.

საქართველო XV
შერკინება: ვახტანგ ქვათაძე (ლოკომოტივი), ზურაბ ერისთავი (ბათუმი), ლაშა შალიკაშვილი (ვეფხვები), ბექა მამრიკიშვილი (ბათუმი), გიორგი ქართველიშვილი (ლოკომოტივი), მიხეილ რატიაშვილი (აია), გელა შალამბერიძე (აია), მიხეილ ბაბუნაშვილი (აია), დაჩი კოპაძე (ლოკომოტივი), ვანო ფუტკარაძე (ბათუმი), ალექსანდრე კალმახელიძე (არმია), სანდრო მამამთავრიშვილი (ლელო), ფარნავაზ გასვიანი (ლოკომოტივი), ხვიჩა ბუჯიაშვილი (ბათუმი)
უკანა ხაზი: დავით კლდიაშვილი (ჯიქი), რევაზ ბროძელი (ვეფხვები), დავით მოძღვრიშვილი (აკადემია), მამუკა ნინიძე (ბათუმი), ბექა წიკლაური (ლოკომოტივი), გიორგი ტალახაძე (ლოკომოტივი), რევაზ ჯინჯიხაძე (ლელო), აკაკი ტაბუცაძე (ლელო), ანზორ სიჭინავა (ბათუმი), ბექა მამუკაშვილი (ლელო).

ყოველდღიური სპორტული გაზეთი "ლელო"
724
მკითხველის კომენტარები / 0 /
მსგავსი ამბები
რუბრიკის სხვა სიახლეები
;